- Tíðindi, mentan og ítróttur
Rannvá og Niclas í hálvfinaluni
Rannvá og Niclas í hálvfinaluni
Rannvá Djurhuus Carlsson og Niclas Eysturoy hava spælt seg í hálvfinaluna í blandaðum tvímansleiki í badminton
Rannvá D. Carlsson og Niclas Eysturoy vunnu fjórðingsfinaluna í blandaðum tvímansleiki sannførandi 2-0 á Grønlandi
Mynd: Lív Mortensen
29.06.2017 - 12:46
Badmintonspælararnir hava úr at gera í dag, og nógvir dystir eru á skránni. Fyri lítlari løtu síðani spældu Rannvá Djurhuus Carlsson og Niclas Eysturoy seg í hálvfinaluna í blandaðum tvímansleiki.
Tey vunnu dystin 2-0 við settúrslitunum 21-13 og 21-14 í móti Grønlandi. Tað var ongantíð nakar ivi um, at føroyingarnir fóru at vinna dystin, tí tey bæði høvdu tamarhald allatíðina, og vunnu tey eisini greitt.
Umframt hálvfinalu í blandaðum tvímansleiki, skal Rannvá Djurhuus Carlsson eisini spæla hálvfinalu í einmansleiki í dag. Tað skal Bartal Poulsen eisini.
So um alt gongst eftir vild, er møguleiki fyri, at Føroyar verða í finalunum í einmansleiki hjá bæði monnum og kvinnum og í blandaðum tvímansleiki.
Er kopiera
Nýggjastu sendingar í ÚV
Nýggjastu sendingar í SV
