Fiskasøla framvegis loyvd

bannari
30.06.2017 - 16:15
AktueltPengar
Fiskasøla framvegis loyvd
Tað verður framvegis loyvt at selja selja fisk og fiskavørur við dyrnar, nú matvørulógin er broytt
Mynd: Savnsmynd  
 
 

Tá triðja viðgerð var í tinginum í gjár, gjørdu nakrir limir í Vinnunevndini vart við, at durasøla bleiv bannað, tá onnur viðgerð var í tinginum.

Tað var ikki ætlanin, søgdu tey. Løgtingið samtykti tí at loyva at virka fisk og fiskavørur til egið brúk og til at selja við dyrnar uttan løggilding.

Poul Michelsen, landsstýrismaður, slapp ikki at gera matvørulógina so lagaliga sum hann ætlaði.

Atkvøddu fyri broytingaruppskoti

Tá onnur viðgerð var fyri einum mánað síðani, atkvøddu bæði samgongan og andstøðan fyri einum broytingaruppskoti hjá seks av sjey limum í Vinnunevndini

Ætlanin hjá landsstýrismanninum var at sleppa fleiri matvørum undan løggilding ella skráseting. Men ein stórur meiriluti í Vinnunevndini mælti til at strika fisk, fiskavørur og skeljadjór í lógaruppskotinum.

Tingfólk í samgonguni og í andstøðuni halda, at fiskivinnan er so stórur og týðandi partur av føroyska samfelagnum, at tey samtyktu ikki at slaka krøvini til føroyskar fiskavørur. 

Uppskotið ov víðgongt

Men við hesi samtykt forðaði tingið eisini fólki í at selja fisk við dyrnar og hagreiða fisk til egna nýtslu. Og tað var ikki ætlanin. 

Hetta broytti tingið so aftur í gjár, tá triðja viðgerð var. Tingfólk hildu eisini, tá onnur viðgerð var, at uppskotið er ov víðgongt viðvíkjandi víðari framleiðslu í Føroyum úr innfluttum matvørum. 

Tingið samtykti tí, at lógin bara verður broytt til at umfata mjólkarúrdrátt og svínakjøt. Tey hugsa tá um ostar og skinkur, sum verða innflutt til at ræsa og turka í Føroyum.

Nýggjastu sendingar í ÚV
Mikudag 20. september
Skriftsøð 2:2
Týsdag 19. september
Nón, TemaTýsdagur um integratión
Týsdag 19. september
Chorus
Týsdag 19. september
Bolero
Nýggjastu sendingar í SV
Mánadag 18. september
3-2
Mánadag 18. september
Andaktin
Sunnudag 17. september
Guðstænasta í gjónni við Gjógv
Mánadag 11. september
3-2
Sunnudag 10. september
Guðstænasta úr Dómkirkjuni