Hollendska stjórnin trýstir danir

bannari
30.06.2017 - 06:50
AktueltPolitikkur
Hollendska stjórnin trýstir danir
Hollendska sendistovan í Danmark hevur vent sær til danska forsætismálaráðið um føroysku fiskivinnunýskipanina
 
 

Stjórnin í Hollandi er sera ørkymlað um ætlaninar hjá landsstýrinum um fiskivinnunýskipan, sigur sendistovan í telduposti, sum Kringvarpið hevur fingið innlit í.

Í teldupostinum, sum er sendur 6. juni í ár, skrivar sendistovan til danska forsætismálaráðið:

"Fyrst av øllum, so er stjórn mín rættuliga stúrin um uppskotið um fiskivinnunýskipan í Føroyum, ið fer at hava álvarsamar avleiðingar fyri útlendsk feløg, ið hava gjørt íløgur í føroysku fiskivinnuna."

Hvønn skulu vit tosa við?

Sendistovan sigur seg verða greiða um, at talan er um innanhýsis føroysk viðurskifti, men sigur samstundis, at av tí at Føroyar eru partur av danska ríkinum, og av tí at londini, tað vil siga Danmark og Holland, eru tættir samstarvsfelagar, vilja tey kunna danir um hetta.

Síðan spyr sendistovan, hvønn tey skulu tosa við í danska forsætismálaráðnum um málið.

Danska forsætismálaráðið biður sendistovuna venda sær til Dan M. Knudsen, ið tekur sær av føroyskum viðurskiftum í forsætismálaráðnum, og sum er fyrrverðandi ríkisumboðsmaður í dag.

Kringvarpið hevur samskift við Dan M. Knudsen, men hann vísir til forsætismálaráðið.

Nýggjastu sendingar í ÚV
Mikudag 20. juni
Altjóða yogadagur 21. juni
82128
Týsdag 19. juni
Bróstageving er týdningarmikil
82129
Týsdag 19. juni
HM-tíðindi 19. juni 2018
82088
Mánadag 18. juni
Fremmand í Århus
82045
Nýggjastu sendingar í SV
Mánadag 18. juni
3-2
82062
Mánadag 18. juni
Blank 7
81786
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982