Andstøðan mælir staðiliga frá at samtykkja uppskot

bannari
04.07.2017 - 08:01
AktueltPolitikkur
Andstøðan mælir staðiliga frá at samtykkja uppskot
Álitið hjá Vinnunevndini varð eftir nógv rumbul í tinginum seinnapartin í gjár lagt fram beint eftir klokkan 18
Andstøðan, sum hevur meirlutan í Vinnunevndini, mælir staðiliga frá at samtykkja uppskotið hjá Høgna Hoydal, landsstýrismanni, um fiskivinnunýskipan
Mynd: Savnsmynd  
 
 

Andstøðan, sum hevur meirlutan í Vinnunevndini, mælir staðiliga frá at samtykkja uppskotið hjá Høgna Hoydal, landsstýrismanni, um fiskivinnunýskipan.

Eftir nógv rumbul í tinginum seinnapartin í gjár, varð álitið hjá Vinnunevndini lagt fram beint eftir klokkan 18 í gjárkvøldið.

Andstøðan undrast í álitinum á, at aðalstórin í Fiskimálaráðnum ikki hevur verið við til hoyringar. Í álitinum skrivar meirlutin í Vinnunevndini:

SÍ EISINI Fleiri tillagingar í uppskoti

"Aðalstjórin í Fiskimálaráðnum hevur av einhvørjari orsøk ikki verið við til hoyringarnar. Tað er sera óvanligt í so stórum og týðandi málum og kann neyvan góðtakast. Og tað barst eisini stjóranum í Vørn frá at vera við. Her er talan um embætisfólk, sum skulu umsita skipanina, um hon verður samtykt."

Víðari stendur í álitinum: "Tað eru tí nógvir spurningar um avleiðingar av uppskotinum, sum meirilutin í nevndin metir seg ikki hava fingið nøktandi svar upp á, og meta vit tí uppskotið als ikki vera búgvið at samtykkja."

Minnilutin í Vinnunevndini, tað eru samgonguumboðini, mælir til at samtykkja uppskotið. Men minnilutin hevur ymiskar broyingar til uppruna uppskotið.

Meira veiddur fiskur bjóðast út

Millum annað verður skotið upp, at parturin av veiddum fiski, ið skal bjóðast út, verður øktur upp í 25%. Eisini skjýtur minnilutin upp, at í minsta lagi 25% av botnfiskinum, sum verður veiddur í føroyskum sjóøki og á fjarleiðum, verður førdur heilur við høvdi til lands í Føroyum.

Eisini mæla samgonguumboðini til, at tá inntøkurnar frá tilfeingisgjaldi og líknandi inntøkum eru høgar, eigur partur av inntøkunum at verða settar í konjunkturjavnandi búskapargrunn.

Eingin onnur viðgerð av uppskotinum um fiskivinnunýskipan verður í morgin. Tingfundurin byrjar klokkan 11, men onnur mál eru á skrá, áðrenn fiskivinnunýskipanin kemur fyri.

Nýggjastu sendingar í ÚV
Hósdag 18. januar
Ein dramatiskur verkstaður í 20 ár
76622
Hósdag 18. januar
Morgunlestur hósdagur 18. januar 2018
75361
Mikudag 17. januar
Bolero 14. des 2018
76598
Mikudag 17. januar
Bolero 7. des 2018
76597
Nýggjastu sendingar í SV
Mikudag 17. januar
25 minuttir: Vigdis Hjort
74880
Mánadag 15. januar
3-2
76515
Sunnudag 14. januar
Andakt við John Færø
76505
Sunnudag 14. januar
Guðstænasta úr Kvívíkar kirkju
76476
Fríggjadag 12. januar
Lyst 1
76430