Vindorka í Suðuroy boðin út

04.07.2017 - 17:08
AktueltTøkni
Vindorka í Suðuroy boðin út
Umhvørvisstovan lýsir eftir umsøkjarum til at framleiða el úr vindorku í haganum í Porkeri
Mynd: Savnsmynd  
 
 

Nú verður vindorka boðin út í Suðuroynni, skrivar Umhvørvisstovan á heimasíðuni. Tað er Orka á Umhvørvisstovuni sum lýsir eftir umsøkjarum til at framleiða el úr vindorku í haganum, Heimari Partur, í Porkeri.

Ari Johannesson, ráðgevi á orku, sigur at av tí at elkervið í Suðuroynni er fyri seg, er ætlanin at seta í mesta lagi seks vindnmyllur upp, so samlaða elveitingin frá myllunum verður í mesta lagi 6 megawatt.

Freistin er hálvan november

Eitt vatnorkuverk er í Botni í Suðuroynni, og ætlanin er at nýta ein part av elinum frá vindmyllunum til eina pumpuskipan í Botni.

Arbeitt verður við at fáa allar avtalur í lag, so alt verður greitt, tá tilboðini skulu vera inni, hálvan november í ár.

Í boðunum frá orku verður sagt, at Umhvørvisstovan kann velja ikki at veita nakað loyvi og kann somuleiðis velja at veita eitt loyvi, sum er minni enn seks megawatt.

Ætlanir um øki við Eiðisvatn

Ætlanir eru eisini um, at bjóða elorku úr vindi út norðan fyri. Vónandi verður tað í heyst, um øll loyvir eru fingin til vega, upplýsir Ari Johanneson.

Orka hevur eitt øki við Eiðisvatn í kikaranum, sum egnar seg til vindmyllur, sigur Ari Johannesen, ráðgevi á Umhvørvisstovuni.

Umsóknarblað fæst á Orku á Umhvørvisstovuni, har nærri treytir fyri at kunna søkja eru lýstar. Freistin, at søkja um loyvi at nýta vindin í Suðuroy, er 15. november.

Nýggjastu sendingar í ÚV
Sunnudag 17. desember
Jól
75561
Leygardag 16. desember
ALSO: Bjóðið vinmanninum við!
75612
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220