Elbilasølan í Norra sett met

08.07.2017 - 11:32
AktueltTøkni
Elbilasølan í Norra sett met
Meira enn fjórði hvør bilur, ið verður seldur í Norra, er nú ein elbilur. Tað er serliga í høvuðsstaðnum, elbilar ganga sum heitt breyð
Hetta gerst ein alsamt vanligari sjón í Norra. Norðmenn keypa elbilar sum ongantíð fyrr, sambært nýggjastu tølunum frá vinnuni
 
 

Bilasølur í Norra kunnu fegnast. 14.228 nýggir bilar vórðu seldir í landinum í juni, og ikki síðani 1986 eru seldir so nógvir nýggir bilar ein einstakan mánað.

Umhvørvisverndarfólk kunnu eisini fegnast. 27,7 prosent av øllum seldum bilum í juni vóru elbilar. Norðmenn keyptu til samans 3.948 nýggjar elbilar í juni.

Ongantíð áður hava norðmenn keypt so nógvar elbilar, sum teir gjørdu í juni, eftir bara einum mánaði. Tað vísa nýggju tølini fyri fyrra hálvár í 2017.

Umhvørvisgjald hjálpir uppá søluna

Tað er serliga í høvuðsstaðnum, Oslo, at elbilar ganga sum heitt breyð. Her verða seldir alsamt fleiri og fleiri elbilar enn nakrantíð áður, vísa nýggjastu tølini.

Meira enn triði hvør nýggi bilur, sum varð seldur í Oslo og har um leiðir fyrra hálvár, var ein elbilur. Til samans 36,1 prosent av øllum seldu bilunum her vóru elbilar.

Ein av orsøkunum til, at fólk í Oslo eru farin at keypa lutfalsliga fleiri elbilar, er, at tað í framtíðini fer at kosta útivið 200 krónur koyra í miðbýnum, er talan ikki um elbil.

Nýggjastu sendingar í ÚV
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Fríggjadag 20. juli
Summartímin hósdagin 19. juli
83505
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334