Sverri nummar fimm í World Cup

Sverri nummar fimm í World Cup
Sverri megnaði ikki at rógva seg til eitt heiðursmerki í World Cup kappingini í Luzern. Hann gjørdist nummar fimm.
 
09.07.2017 - 10:56

Fyri løtu síðani róði miðvingurin Sverri S. Nielsen A-finalu í World Cup kapping í einkultskullara. Sverri legði hart út og var nummar tvey, tá ið teir høvdu róð 350 metrar. Hann hevði eitt høgt róðrartempo, og tá ið 500 av teimum 2000 metrunum vóru farnir, var hann framveis næstfremst.

Á 700 metrum byrjaði hann at dragna, og favoritturin Robert Manson fór frá hinum saman við kubanaranum Angel Rodriguez. 150 metrar seinni var Sverri nummar fimm.

Sverri Nielsen megnaði ikki at stríða seg aftur í oddin, og hann datt aftur á eitt fimta pláss, sum eisini gjørdist endaliga støðan hjá unga miðvinginum. Hann kom á mál við tíðini 07:00.330 - nakrar bátslongdir eftir Ný Sælendingin, Robert Manson, ið vann kappingina við tíðini 06:49.080.

Sverri megnaði tó at basa bronsuvinnaranum frá olympisku leikunum í Rio, Ondrej Synek, sum gjørdist nummar seks.

Sverri Nielsen var ein av tveimum donskum bátum, ið megnaðu at rógva seg í eina A-finalu.  

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858