Ábyrgdin í kunngerðini um rottutýning er ógreið

Ábyrgdin í kunngerðini um rottutýning er ógreið
Kommunufelagið vil hava fund við Heilsu- og innlendismálaráðið og Umhvørvisstovuna, áðrenn kunngerðin verður sett í gildi
 
11.07.2017 - 11:06

Ábyrgdarbýtið millum land og kommunur er ikki greitt í uppskotinum um nýggja kunngerð um rottutýning.  Tað sigur Kommunufelagið, sum hevði viljað verið við, tá uppskotið varð gjørt. 

Kommunurnar hava stóran lut í rottutýningini sambært uppskotinum um kunngerð. Sambært uppskotinum skal aktingarfólk vera í hvørjari bygd og hvørjum býi. 

Kommunufelagið heldur, at nóg mikið er við einum aktingarfólki í hvørjari kommunu. Felagið heldur eisini, at møguleikin er ov lítil at kæra avgerðir, sum verða tiknar sambært ásetingum í kunngerðini.

Umhvørvisstovan fær óneyðugar heimildir

Tað tykist óvanligt, at Umhvørvisstovan fær serligar heimildir mótvegis kommununum, tá kommunurnar eiga lendi.

Slíkar heimildir eru óneyðugar, tí kommunurnar eiga at duga at stýra sær sjálvum. Tær hava ábyrgd av og eftirlit við so nógvum øðrum í kommununum.

Nógva staðni í uppskotinum verður víst til vegleiðingar frá Umhvørvisstovuni um fyribyrging og týning av rottu. 

Í tann mun hesar vegleiðingar ikki longu eru tøkar, so heldur Kommunufelagið tað vera ein sjálvfylgja, at kommunurnar eru við til at gera hesar vegleiðingar.

Kommunufelagið biður um fund við Heilsu- og Innlendismálaráðið og Umhvørvisstovuna at umrøða uppskotið. Felagið biður um, at kungerðin ikki verður sett í gildi, fyrr enn hesin fundur hevur verið, so eingi ivamál verða, tá kunngerðin er komin í gildi.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585