Kæran viðgjørd: Ljósmøðurnar fáa ikki viðhald

16.07.2017 - 10:06
AktueltHeilsa
Kæran viðgjørd: Ljósmøðurnar fáa ikki viðhald
Ljósmøðurnar fingu ikki viðhald í kæruni móti stjóranum og leiðsluni á Landssjúkrahúsinum
Føðideildin. Lukkuligasta stað á jørð fyri summi, ótolandi arbeiðsstað fyri onnur
 
 

Í samlaðu niðurstøðuni til kæruna, ið var 23 síður, sigur Heilsumálaráðið, at talan er um sera ymisk viðurskifti, sum tað verður kært um, har tað í nøkrum førum er torført ella ógjørligt hjá HIMR at koma við einari greiðari niðurstøðu.

Samstundis, er tað heldur ikki møguligt at koma við eini samlaðari niðurstøðu, sum er eintýdd.

Skeivur móttakari

Partarnir av kæruni eru um sáttmálarbrot, og her sigur Heilsumálaráðið seg ikki vera rættan kærumynduleika, men at um ljósmøðurnar á Landssjúkrahúsinum meta, at stjórnin hevur framt áhaldandi sáttmálabrot, eiga tær at fara til Ljósmøðrafelag Føroya, sum kann taka tað upp við sáttmálapartin, sum í hesum føri er Fíggjarmálaráðið, ella felagið leggur kærurit beinleiðis fyri Fasta Gerðarrætt til støðutakan. 

Ljósmøðurnar kærdu eisni um samstarvstrupulleikar við leiðslu og fakbólkar, og her sigur Heilsumálaráðið seg fara at heita á stjórnina á Landsjúkrahúsinum um at gera alt fyri at avbjóðandi samstarvstrupulleikarnir verða loystir beinanvegin.

Ljósmøðurnar sendu kæruna hálvan apríl.

Nýggjastu sendingar í ÚV
Sunnudag 22. juli
Guðstænasta í Húsa kirkju
83533
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334