Greining: 30.000 størv í vanda

17.07.2017 - 08:58
AktueltÚtheimurin
Greining: 30.000 størv í vanda
Fleiri av stóru bankunum, sum nú virka í London, fara at flyta sítt virksemi til aðrar býir í Evropa, tá Bretland fer úr ES
10.000 bankastørv hvørva úr London, og 20.000 onnur størv, sum hava við fíggjarmarknaðin at gera, hvørva, tá Bretland fer úr ES, staðfestir greining
Mynd: Savnsmynd  
 
 

Tað kann hava við sær, at 10.000 bankastørv hvørva úr London, umframt 20.000 onnur størv, sum hava við fíggjarmarknaðin at gera, vísir ein greining hjá belgiska hugsanarbankanum, Bruegel.

Talan er um stóru bankarnar, Morgan Stanley, Citigroup, Deutsche Bank og JPMorgan. Allir hava boðað frá, at teir fara at flyta nógv av virkseminum úr London, fyri at kunna vera nærri at fyritøkum í øðrum europeiskum londum.

Flyta starvsfólk úr London

Tað eru ymsar hugsanir um støðuna. Summi meta at umleið 232.000 størv í fíggjarmarknaðinum kunnu hvørva, meðan onkrar aðrar metingar siga, at talan bara verður um 4.000 størv.

Fleiri greiningarfyritøkur vísa longu á, at fleiri bankar og fíggjarfyritøkur annars longu eru farnar undir at flyta starvsfólk úr London.

Gongdin kann gerast ein vanlukka fyri bretska forsætisráðharran, Theresu May, men ein fyrimunur fyri týska samveldiskanslaran, Angelu Merkel, tí fleiri bankar ætla at flyta virksemið til Týsklands.

Nýtt umfar um Brexit byrjar í dag

Samráðingarleiðarin hjá ES hevur boðað frá, at tað má ganga skjótari enn samráðingarnar higartil hava gingið. Hann hevur samstundis víst á, at Bretland ikki fær eina fríhandilsavtalu við ES, tá landið fer burturúr.

Í Bretlandi er langtfrá semja um Brexit, og um vikuskiftið segði fyrrverandi forsætisráðharrin, Tony Blair, at brexit má steðga, tí tað fer at gera enda á landinum.

Theresa may, forsætisráðharri í Bretlandi, hevur fleiri ferðir sagt, at Brexit merkir Brexit, uttan mun til, hvørja avtalu Bretland fær við hini ES-londini.

Nýggjastu sendingar í ÚV
Nýggjastu sendingar í SV
Mánadag 25. september
3-2
Mánadag 25. september
Andaktin
Sunnudag 24. september
Møti úr Bethel í Vági
Mánadag 18. september
3-2
Mánadag 18. september
Andaktin