Ukrainari skal venja Havnar Svimjifelag

19.07.2017 - 15:38
ÍtrótturSvimjing
Ukrainari skal venja Havnar Svimjifelag
Havnar Svimjifelag hevur undirskrivað sáttmála við Oleksii Ilchenko
Mynd: Savnsmynd  
 
 

32 ára gamli Oleksii Ilchenko, sum í løtuni er búsitandi í Texas í USA, verður nýggjur høvuðsvenjari hjá Havnar Svimjifelagi.

Oleksii er uppvaksin í Ukraina, har hann var elitusvimjari og fleirfaldur junior- og seniormeistari.

Oleksii var partur av ukrainska landsliðsvenjaratoyminum frá 2012-2015, har hann, umframt at vera Commercial Director, serliga tók sær av tí teknisku venjingini.

Í hesum tíðarskeiði vunnu ukrainar sjey heims- og Evropameistaraheitir, ellivu junior Evropameistaraheitir umframt onnur altjóða heiðursmerkir.

Oleksii hevur í hesum sambandi eisini verið við til at vant olympiskar svimjarar. Av hesum er kanska serliga vert at nevna russiska ryggsvimjaran og tvífalda bronsuvinnaran Arkadiy Vyatchanin.

Nýggi høvuðsvenjarin hevur m.a. “Master í Sports Management, Administration and Coaching” frá Henderson State University í Arkansas frá 2017.

Nýggjastu sendingar í ÚV
Nýggjastu sendingar í SV
Mánadag 16. oktober
3-2
Sunnudag 15. oktober
Andaktin
Sunnudag 15. oktober
Møti úr Frelsunarherinum
Hósdag 12. oktober
Kendir føroyingar: Kjølbro
Mánadag 9. oktober
3-2