Føroyar tóku Suðurkorea á bóli

20.07.2017 - 22:19
ÍtrótturHondbóltur
Føroyar tóku Suðurkorea á bóli
Suðurkorea var stórfavorittur, men enn einaferð tók føroyska U-21 landsliðið øll á bóli
føroysku spælararnir fegnast um sigurin á Suðurkorea
Mynd: © IHF  
 
 

Samanhald og vinnaravilji er teirra vørumerki, og aftur í kvøld var tað júst tað, ið syrgdi fyri, at føroyska liðið aftur vann HM dyst í Algeria.

Undan dystinum í kvøld mettu veddingarfyritøkurnar, at ein sigur til Suðurkorea var bara ein avgreiðsluspurningur, men so bleiv ikki.

Føroyska liðið vísti frá byrjan, at teir vóru ikki bara møttir upp fyri at spæla dystin, og tá 13 minuttir vóru farnir, vóru Føroyar á odda 9-5.

Leiðslan á fýra mál helt sær eisini allan vegin til hálvleik, tá Føroyar vóru á odda 16-12.

Eitt skifti í seinna hálvleiki kom spenningur í aftur dystin, tá Suðurkorea eftir 47 minuttum minkaði til 21-22.

Men so fóru fóru føroyingarnir aftur undan Suðurkorea, og tá tríggir minuttir vóru eftir, vóru Føroyar aftur á odda við fýra málum, 28-24.

Føroyingarnir megnaðu at halda seg frammanfyri, og endaðu við at vinna 28-27.

Við tveimum sigrum í tveimum dystum í HM-endaspælinum heldur føroyska U-21 landsliðið áfram við at skriva føroyska hondbóltssøgu.

Tað er ikki avgørt enn, men hesir báðir sigrarnir kunnu vera nóg mikið til, at Føroyar spæla seg víðari úr HM-bólkaspælinum.

Føroyar spæla aftur í morgin klokkan 18.00. Tá er mótstøðuliðið Norra, sum fyrradagin vann 31-29 á Suðurkorea.

Toppskjúttar:

Hilmar Leon Jakobsen, 6

Helgi Hoydal, 5

Pætur Thomsen, 5

Sjúrður Olsen, 3

Kjartan Johansen, 3

 

Nýggjastu sendingar í ÚV
Sunnudag 17. desember
Guðstænasta í Vestmanna kirkju
75633
Sunnudag 17. desember
Bolero
75632
Sunnudag 17. desember
Upp á tá
75629
Sunnudag 17. desember
Harmonikuløtan
75625
Sunnudag 17. desember
Chorus
75624
Nýggjastu sendingar í SV
Sunnudag 17. desember
Møti
75637
Sunnudag 17. desember
Andaktin
75636
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323