Semja um Nólsoyarleiðina

25.07.2017 - 14:48
AktueltSamfelag
Semja um Nólsoyarleiðina
Havnargjaldið fyri Ternuna hækkar ikki fyrr enn næsta ár
 
 

Túrurin hjá Ternuni til Nólsoyar mikumorgnnar verður kortini ikki strikaður í ferðaætlanini.

Strandferðslan og Tórshavnar havn hava gjørt semju um, at havnargjaldið ikki hækkar fyrr enn næsta ár.

Jóan Petur Abrahamsen, rakstrarleiðari á Strandferðsluni, sigur í stuttari viðmerking, at nú Tórshavnar havn hevur slakað í málinum, fer Strandferðslan ikki at skerja túratalið kortini. 

Ætlanin var, at túrurin mikumorgnar klokkan 9.30 til Nólsoyar skuldi takast burtur, tí havnargjaldið fyri Ternuna hækkaði. Men hækkingin er nú útsett til næsta ár.

Sambært Jónsveini Lamhauge, havnarmeistara í Havn, er talan um 38.000 krónur.

 

 

 

 

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675