Framtíðin hjá fiskivinnuni verður avdúkað í dag

bannari
Framtíðin hjá fiskivinnuni verður avdúkað í dag
Løgtingið verður sett klokkan 13.00, og tá fer løgmaður at halda røðu. Hann hevur lovað at siga, hvat samgongan ætlar við fiskivinnuni
Nógv stendur á Akseli V. Johannesen, løgmanni og samgonguleiðara, nú full semja ikki er í samgonguni um fiskivinnunýskipan.
 
29.07.2017 - 10:13

Í dag fáa andstøðan í løgtinginum, vinnan og onnur loksins at vita, hvat samgongan fer at gera við fiskivinnunýskipanina.

Løgtingið verður sett í dag, og nýggj tingseta byrjar.

Løgmaður fer at halda ólavsøkurøðuna, har hann millum annað fer at boða frá, hvør fiskivinnunýskipanin nú verður.

Hon verður løgd fram í august, segði løgmaður í gjár

Løgtingið verður sett klokkan 13.00.

Gudstænasta fyrst

Men fyrst fara løgtingsfólk, landsstýrisfólk og embætisfólk í skrúðgongu í Dómkirkjuna.

Anne Mette Greve Klementsen, prestur, prædikar á ólavssøkugudstænastuni í ár. Hon er klokkan 11.00.

Kringvarpið, bæði útvarp og sjónvarp, sendir guðstænastuna, tingsetanina og sangin, sum er á tinghúsvøllinum fyri tingfundin.

Í ár stjórnar Tóra Vestergaard stóra kórinum, sum syngur.

Til ber eisini at síggja og hoyra ólavsøkugudstænastuna og ólavsøkurøðu løgmans á stórskíggjanum í Vágsbotni.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585