Fólkaatkvøða um at einskilja jørð

bannari
01.08.2017 - 09:18
AktueltPolitikkur
Fólkaatkvøða um at einskilja jørð
Sambært uppskotinum um stjórnarskipan skal fólkið gera av, um almenna jørðin skal privatiserast
Mynd: Savnsmynd  
 
 

Politikararnir sleppa ikki einsamallir at gera av, um landsjørðin skal einskiljast.

Tað sæst í uppskotinum til stjórnarskipan, sum løgmaður hevur sent til hoyringar.

Stjórnarskipanaruppskotið ásetur, at skal landsjørð, ella stórur partur av henni, einskiljast, so skal málið fara til fólkaatkvøðu í minsta lagi eitt hálvt ár, og í mesta lagi eitt ár, eftir at løgtingið hevur samtykt hana.

Í undanfarnu samgongu varð arbeitt við at einskilja landsjørðina, men tað varð kortini av ongum.

Men í uppskotinum hjá løgmanni skal landsjørðin ikki privatiserast, uttan at málið fyrst hevur verið til fólkaatkvøðu. 

Óðalsjørð

Haraftrat eru eisini nakrar reglur um óðalsjørð, tað er ognarjørð. 

Grein 23, stk 2 í uppskotinum um stjórnarskipan ásetur, at við lóg kunnu reglur setast um stødd á óðalsjørð.

Uppskotið um stjórnarskipan skal til fólkaatkvøðu tann 25. apríl. 

Men tað skal samtykkjast í  løgtinginum í seinasta lagi eitt hálvt ár frammanundan, tað er  í seinasta lagi 25. oktober í ár. 

Uppskotið, sum er til almenna hoyring, kann lesast á heimasíðuni hjá Løgmansskrivstovuni - tinganes.fo.

Hoyringarfreistin er 25. august.

Nýggjastu sendingar í ÚV
Nýggjastu sendingar í SV
Mikudag 22. november
Ámæli
74637
Týsdag 21. november
Savnsgull: Ungar hendur 3
74606
Týsdag 21. november
3-2
74577
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473