Noyðast at broyta lógina um skipaskráseting

06.08.2017 - 09:39
AktueltPolitikkur
Noyðast at broyta lógina um skipaskráseting
Slepta kravið um veiðiloyvi hevur við sær, at lógin um skipaskráseting má broytast. Uppboðssølur av fiskirættindum verða seinni í hesum mánaðinum
Ein partur av kvotuni i Barentshavinum verður boðin út, og veiðiloyvi krevst ikki at fiska tað, sum verður selt á uppboðssølu
Mynd: Savnsmynd  
 
 

Nú tað ikki verður kravt, at skip, sum fiska makrel, norðhavssild og svartkjaft, og botnfisk í Barentshavinum í ár, skulu hava veiðiloyvi, er neyðugt at broyta lógina um skipaskráseting, so fiskivinnulóggávan og lógin um skipaskráseting samsvara.

Uttanríkis- og vinnnumálaráðið fyrireikar eitt uppskot um at broyta lógina um skipaskráseting, sum er farið til hoyringar.

Hoyringarfreistin er týsdagin 8. august.

Sambært lógini um serstakar treytir fyri fiskiskap eftir makreli, norðhavssild og svartkjaft, og botnfiski í Barentshavinum, kann rætturin at fiska í ár seljast eigarum av fiskiførum undir føroyskum flaggi, sum ikki hava veiðiloyvi, og føroyskum feløgum, ið kunnu skjalprógva avtalu um, at skip undir føroyskum flaggi fiskar kvotuna. 

Uppboðssølur seinni í mánaðinum

Uppboðssølurnar av fiskirættindum eftir makreli, norðhavssild og svartkjafti, og botnfiski í Barentshavinum verða í tveimum umførum.

Tann fyrra afturlatna uppboðssølan, sum Vørn skipar fyri, verður hósdagin 24. august. 

Tá verða seld 5.447 tons av makreli, 1107 av botnfiski í russiska partinum av Barentshavinum og 614 tons av botnfiski í norska partinum.

Seinna afturlatna uppboðssølan verður hósdagin 31. august. Tá verða seld 9.000 tons av svartkjafti og 9.000 tons av norðhavssild. 

Fiskamarknaðurin

Fyrra opna uppboðssølan verður á Fiskamarknaðinum týsdagin 22. august. Tá verða seld 5.447 tons av makreli og 1106 tons av botnfiski í Barentshavinum. 

Seinna opna uppboðssølan á Fiskamarknaðinum verður á Fiskamarknaðinum 29. august. Tá verða boðin út 9.000 tons av svartkjafti og 9.000 tons av norðhavssild. 

Tey, sum ætla at bjóða, skulu í seinasta lagi tríggjar vikur fyri uppboðssøluna lata Vørn hóskandi skjalprógv.

Nýggjastu sendingar í ÚV
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220