Vinnunevndin viðger nú fiskidagarnar

06.08.2017 - 10:11
AktueltPolitikkur
Vinnunevndin viðger nú fiskidagarnar
Vinnufeløg, fakfeløg og landsstýrismaðurin í fiskivinnumúlum hava fingið fundarboð í vinnunevndini í morgin
Bjarni Hammer er formaður í løgtingsins vinnunevnd
Mynd: Savnsmynd  
 
 

Vinnunevndin hjá løgtinginum fer í morgin at undir at viðgera lógaruppskotið hjá landsstýrismanninum í fiskivinnumálum um fiskidagar fyri næsta fiskiár, sum hesaferð bara verður fýra mánaðir.

Til fundin í morgin hevur vinnunevndin boðsent Vága Útróðrarmannafelag, Meginfelagi Útróðramanna, Felagnum fyri Línuskip, Felagnum fyri Trolbátar, Føroya Fiskimannafelag, Fiskidaganevndini, Føroya Reiðarafelag, Føroya Skipara- og Navigatørfelag og Høgna Hoydal, landsstýrismanni í fiskivinnumálum, sum møtir saman við umboðum fyri VØRN og Havstovuna.

Tá uppskotið hjá Høgna Hoydal var til 1.viðgerð í løgtinginum, hildu fleiri andstøðutinglimir tað vera í stríð við lógina um vinnuligan fiskiskap at broyta fiskiárið til bara at vera fýra mánaðir.

Andstøðan heldur, at landsstýrið eigur at áseta fiskidagarnar fyri eitt heilt ár sum vant, ella fyri 16 mánaðir, frá 1. september í ár til 31.desember næsta ár. 

Fiskidagarnir í søguna

Sambært landsstýrinum fer fiskidagaskipanin í søguna 1. januar í 2019, tá ein kvotuskipan skal koma í staðin.

Sambært Høgna Hoydal er lógin, sum fiskidagrnir næsta ár skulu ásetast eftir, ikki samtykt enn. 

Fiskidagarnir kunnu bara ásetast  eftir galdandi lóg um vinnuligan fiskiskap, og av tí at hon fer úr gildi á nýggjárinum, ber bara til at áseta fiskidagar fyri fýra mánaðir, sigur hann.

Fundurin í vinnunevndini í morgin  byrjar klokkan níggju.


 

Nýggjastu sendingar í ÚV
Fríggjadag 20. apríl
Morgunlestur fríggjadagur 20. apríl 2018
79723
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843