750 milliónir í lønum um mánaðin

11.08.2017 - 10:41
AktueltPengar
750 milliónir í lønum um mánaðin
Lønargjaldingarnar eru vaksnar 50 milliónir kr. um mánaðin síðani í heyst
Vøkstur hevur verið í byggivinnuni út í eitt síðani 2013
Mynd: Savnsmynd  
 
 

Í juli vórðu goldnar 748 milliónir krónur í lønum, og tað eru 50 milliónir meira enn í fjør, vísa tøl hjá Hagstovuni.

Í fjør vórðu goldnar umleið 700 milliónir krónur í lønum hvønn mánað, men síðani september eru tær hækkaðar, og eru nú umleið 750 milliónir um mánaðin.

Størsti vøksturin var um ársskiftið.

Framgongd í øllum bólkum

Framgongd er í øllum høvuðsvinnubólkum.

Tó eru ikki so stórar løngjaldingar í fiski- og alivinnuni nú, sum tær vórðu um ársskiftið.

Í byggivinnuni hevur verið vøkstur úr í eitt síðani 2013, t.e. í fýra ár. 

Í tænastuvinnunum hevur verið javnur vøkstur, men í seinastuni er verulig gongd koma á løbgjaldingarnar í privatu tænastuvinnuni. 

Í løtuni er vøksturin í privatu tænastuvinnunum líka so stórur sum í byggivinnuni, sigur Hagstovan.

 

 

Nýggjastu sendingar í ÚV
Nýggjastu sendingar í SV
Mánadag 25. september
3-2
Mánadag 25. september
Andaktin
Sunnudag 24. september
Møti úr Bethel í Vági
Mánadag 18. september
3-2
Mánadag 18. september
Andaktin