Fara nú at seta kanningarstjóra

11.08.2017 - 07:55
AktueltPolitikkur
Fara nú at seta kanningarstjóra
Formansskapurin í løgtinginum fer mánadagin at viðgera eykajáttan til kanningarstjóra
Páll á Reynatúgvu og hini í formansskapinum í løgtinginum noyðast at fáa eykajáttan til at seta kanningarstjóra at kanna Høgna Hoydal og Aksel V. Johannesen
Mynd: Savnsmynd  
 
 

Páll á Reynatúgvu, løgtingsformaður, skuldi í seinasta lagi í hesari vikuna fáa ein lista við nøvnum á løgfrøðingum, sum kunnu kanna Høgna Hoydal, landsstýrismann, og Aksel V. Johannesen, løgmann.

Setan av kanningarstjóra, eykajáttan, er á skránni fyri fundin hjá formansskapinum mánadagin.

Johnhard Klettheyggj, løgtingsstjóri, viðgongur, at tað er ikki lætt at finna fólk, sum eru gegnig at kanna teir báðar.

Kanningarstjórin skal hava løgfrøðiligt embætisprógv og skal ikki arbeiða í fyrisitingini hjá landsstýrinum, á stovni undir landsstýrinum, hjá dómsvaldinum, ella fyrr hava viðgjørt málið, sum skal kannast.

Harafturat skulu tveir persónar kannast, og annar teirra, løgmaður, hevur eisini arbeitt sum advokatur.

Andstøðulimir biðið um kanningarstjóran

15 fólk í andstøðuni hava biðið um kanningarstjóra at svara seks spurningum um embætisførsluna hjá Høgna Hoydal viðvíkjandi veiðiloyvunum hjá partafelagnum Nærabergi.

Sjeyndi spurningurin er, um løgmaður hevur røkt sína skyldu at hava eftirlit við landsstýrismanninum í fiskivinnumálum á fullgóðan hátt.  

Løgtingsformaðurin velur og setir kanningarstjóran.

Løgtingið noyðist at biðja løgtingið um pengar til kanningarstjóran. Eykajáttan má latast, tí játtanin hjá løgtingimum í fíggjarlógini umfatar ikki kanningarstjóra.
 

Nýggjastu sendingar í ÚV
Nýggjastu sendingar í SV
Týsdag 1. august
Upp á gólv
Týsdag 1. august
Upp á gólv
Leygardag 29. juli
Ólavsøkurøða løgmans 2017
Leygardag 29. juli
Video: Ólavsøka 2017, 10mf