Ov stutt skotbrá til nýggja fiskivinnunýskipan

bannari
16.08.2017 - 13:31
AktueltPolitikkur
Ov stutt skotbrá til nýggja fiskivinnunýskipan
Tíðin er ov stutt til at seta eina umfatandi fiskivinnunýskipan í gildi, longu á nýggjárinum. Tað sigur Bjørn Kalsø, framsøgumaður í fiskivinnumálum
Mynd: Savnsmynd  
 
 

Tað er ov stutt skotbrá at seta eina umfatandi fiskivinnunýskipan í gildi, longu á nýggjárinum, tað segði Bjørn Kalsø, løgtingsmaður og framsøgumaður í fiskivinnumálum fyri Sambandsflokkin í tinginum í dag. 

Sambandsflokkurin var leingi í realitetssamráðingum við samgonguna um eina fiskivinnunýskipan, men tað bar ikki á mál, og flokkurin legði í vár fram sítt egna uppskot um eina fiskivinnunýskipan.

Nýskipanaruppskotið hjá Sambandsflokkinum datt burtur, tá løgtingsformaðurin sendi tingið til hús í juli mánaða. Tað sama gjørdu nýskipanaruppskotini hjá landsstýrismanninum í fiskivinnumálum og uppskotið hjá Fólkaflokkinum.

Løgmaður og landsstýrismaðurin hava boðað frá, at uppskot um eina fiskivinnunýskipan verður lagt framaftur í august.

Í løgtinginum fyrrapartin gav framsøgumaðurin hjá Sambandsflokkinum greitt til kennar, at tíðin til at fremja eina nýskiapan er ov stutt, áðrenn veiðiloyvini fara úr gildi.

Miðflokkurin hevur longu lagt eitt uppskot fyri løgtingið, har veiðiloyvini verða longd í tvey ár. 

-Tað kundi verið eitt kompromis, heldur Bjørn Kalsø.

Høgni Hoydal, landsstýrismaður í fiskivinnumálum, gjørdi tó greitt, at tað kemur ikki uppá tal at leingja veiðiloyvini, sum fara úr gildi á nýggjárinum. 

Bárður á Steig Nielsen, formaður í Sambandsflokkinum, sigur at Sambandsflokkurin ætlar framvegis at fara í Løgtingið við sínum uppskoti um fiskivinnunýskipan.

- Men vit vita ikki, hvat útspælið hjá landsstýrinum verður, og vit vilja heldur halda fram við verandi skipan enn at kollvelta fiskivinnuna, sigur Bárður á Steig Nielsen, sum er formaður í Sambandsflokkinum.

 

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220