Yvirgangur í Barcelona: 13 fólk deyð

17.08.2017 - 18:01
AktueltÚtheimurin
Yvirgangur í Barcelona: 13 fólk deyð
Minst 20 fólk eru særd og 13 deyð á la Rambla í Barcelona. Talan er um yvirgang, siga spanskir myndugleikar
Mynd: Savnsmynd  
 
 

Eftir øllum at døma er ein yvirgangsatsókn framd í miðbýnum í Barcelona í Spania.

Seinnapartin koyrdi ein vørubilur á fólk, sum vóru til gongu á kendu handilsgøtuni La Rambla í Barcelona.

Reuters sigur frá løgreglukeldum, at 13 fólk eru deyð.

BBC sigur, at í minsta lagi 20 fólk eru særd. 

Samstundis ganga tíðindi um, at vápnaðir menn hava trokað seg inn á eina matstovu í Barcelona, og hava tikið gíslar.

Hesi tíðindi eru kortini ikki váttað.

Bilførarin, sum koyrdi vørubilin, slapp til rýmingar, og løgreglan leitar nú eftir honum. 

Metrostøðir og tokstøðir nærindis La Rambla eru stongdar.

Ein talsmaður fyri løgregluna í Catalonia, sum er landsparturin, har Barcelona er høvuðsstaður, sigur við sjónvarpsstøðina CNN, at talan er eftir øllum at døma um eina yvirgangsatsókn. 

La Rambla er handilsgøtan, har mesta ferðslan er í Barcelona, og nógv fólk eru eisini til gongu, serliga ferðafólk. Gøtan er meira enn ein kilometur long. 
 

Nýggjastu sendingar í ÚV
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220