Átta atsóknir við akførum í Evropa seinasta árið

18.08.2017 - 11:56
AktueltÚtheimurin
Átta atsóknir við akførum í Evropa seinasta árið
Yvirgangsatsóknirnar í Spania seinasta døgnið eru bara tær seinastu í eini røð av álopum, har akfør hava verið nýtt sum vápn. 
Mynd: Savnsmynd  
 
 

14. juli 2016, Nice:
Ein lastbilur koyrir inn í eina stóra mannamúgvu, sum var savnað í sambandi við franska tjóðardegnum, í suðurfranska býnum.
85 fólk lótu lív og fleiri enn 300 vórðu særd. Gerningsmaðurin. Ein 31 ára gamal tunesi doyði av skotum frá løgregluni. 


19. desember 2016, Berlin:
Ein lastbilur koyrir inn sølubásar og vitjandi á einum jólamarknaði í Berlin.
12 fólk lótu lív og 50 vórðu særd. Ein tunesi koyrdi bilin, hann varð skotin til deyðis av løgregluni fýra dagar seinni. 


22. mars 2017, London
Ein persónbilur koyrir inn í fólk, sum gingu á Westminster Bridge í London.
Fimm fólk lótu lív og 50 vórðu særd. Løgreglan skeyt 52 ára gamla gerningsmannin, tá hann royndi at bróta inn í parlamentið.  IS tók ábyrgdina av atsøknini.

 
7. apríl 2017, Stockholm
Ein lastbilur koyrir inn í eina mannamúgvu á Drottninggatan í miðbýnum í Stockholm.
Fýra fólk lótu lív og 15 vórðu særd. Ein 39 ára gamal maður úr Usbekistan bleiv handtikin í sambandi við atsóknina.


3. juni 2017, London
Ein hvítur vørubilur koyrir inn í fólk á London Bridge í bretska høvuðsstaðnum London. Tríggir gerningsmenn fóru úr bilunum og lupu á tilvildarlig fólk við knívi.
Átta fólk lótu lív og 48 vórðu løstað. 


19. juni 2017, London
Ein maður koyrir inn í fleiri fólk uttanfyri eina mosku í Norðurlondon.
Ein persónur lat lív og 10 vórðu særd. Tað eydnaðist løgregluni at handtaka geringsmannin, sum var ein 48 ára gamal bredskur maður.

17. august, Barcelona
Ein hvítur vøruvognur koyrir inn í eina mannamúgvu á La Rambla, handilsgøtuni í Barcelona.
13 lótu lív og umleið 100 eru særd

18.august, Cambrils
Ein persónbilur við fimm persónum koyrir inn í eina mannamúgvu.
Sjey løgreglufólk og civil vórðu særd. Løgreglan skeyt og drap fimm persónar eftir hendingina.

 

 

 

 

 

Nýggjastu sendingar í ÚV
Nýggjastu sendingar í SV
Mikudag 22. november
Ámæli
74637
Týsdag 21. november
Savnsgull: Ungar hendur 3
74606
Týsdag 21. november
3-2
74577
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473