Landsstýrið biður um pengar at bjarga Fiskaaling

24.08.2017 - 07:08
AktueltPolitikkur
Landsstýrið biður um pengar at bjarga Fiskaaling
P/f Fiskaaling hevur bæði hall og negativa eginogn og kassakreditturin minkar á nýggjárinum
Landsstýrið biður løgtingið hjálpa sær at bjarga Fiskaaling.
Mynd: Savnsmynd  
 
 

Vinnumálaráðið biður nú aftur løgtingið um níggju milliónir krónur at seta í P/f Fiskaaling.

Fiskaaling krevur nýggjan partapening, so lívfiskastøðin verður verandi á almennum hondum.

Nógv ár við vánaligum rakstrarúrslitum, sum serliga eru komin av rognunum, sum nú eru steðgað, hava gjørt, at P/f Fiskaaling hevur negativa eginogn.

Nevndin í felagnum ætlaði at selja lívfiskastøðina í Skopun til privatar íleggjarar fyri at fáa pengar í felagið. 

Men tað vildi Vinnumálaráðið ikki. Lívfiskastøðin skal vera almenn, heldur landsstýrið.

Men verður lívfiskastøðina í Skopun hóast alt seld, so fær landið tær níggju milliónirnar aftur.  

Negativ eginogn

Eginognin hjá P/f Fiskaling er góðar 8,3 mió. kr. tann skeiva vegin. 

Úrslitið í fjør var hall upp á 18,1 millión.

Skuldin við árslok 2016 var 20,4 milliónir.

Landið rindar 500.000 kr. í nýggjum partapeningi og 8,5 milliónir í nýggjum kapitali.

Tað verður sambært lógaruppskotinum gjørt soleðis, at landsstýrismaninum í vinnumálum sleppur at hækka partapeningin til yvirkurs soleiðis, at upphæddin, sum verður skotin inn í felagið, kann vera upp í níggju mió. kr. 
  

Givið við rognum

Løgtingið er biðið um at játta tær níggju milliónirnar.

Avgjørt er, at Fiskaling ikki longur fæst við rogn, tí alifeløgini ikki vilja binda seg til at keypa rogn frá Fiskaaling. 

Seinast, landið hæækaði partapeningin í Fiskaaling, sum er 100 prosent alment felag, var í 2009.

Teir pengarnir komu úr Endurgjaldsgrunni alivinnunnar, sum varð lagdur niður. 

Kassakredittur  minkar

BankNordik hevur boðað frá, at hann vil hava eina ætlan um, hvussu Fiskaaling rindar niður skuldina og fær rættað eginognina. 

Kassakreditturin í BankNordik er galdandi til 31.desember í ár. Eftir tann dag lækkar kreditturin niður í 7,2 mió. kr. 

P/f Fiskaaling fær 9,5 mió. kr. um árið í studningi úr landskassanum.


 

Nýggjastu sendingar í ÚV
Mánadag 11. desember
Morgunlestur mánadagur 11.desember 2017
75333
Sunnudag 10. desember
Bolero
75319
Sunnudag 10. desember
Guðstænasta úr Miðvágs kirkju
75317
Sunnudag 10. desember
Harmonikuløtan
75313
Nýggjastu sendingar í SV
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220
Mikudag 6. desember
25 minuttir: Christina Rosendahl
74870
Mikudag 6. desember
Savnsgull: Slóðin 1:3
75155