Eingin loysing uttan samtykki úr fólkatinginum

bannari
28.08.2017 - 12:29
AktueltPolitikkur
Eingin loysing uttan samtykki úr fólkatinginum
Føroyingar sleppa ikki úr danska ríkinum, uttan at fólkatingið vil tað, sigur grundlógin
Uppskotið um stjórnarskipan hevur verið til hoyringar. Millum annað Lars Løkke Rasmussen hevur sagt sína hugsan.
 
 

Føroyingar sleppa ikki úr danska ríkinum, uttan at fólkatingið vil tað.

Tað gera bæði Lars Løkke Rasmussen, forsætisráðharri, og danska Løgmálaráðið vart við, nú uppskotið um føroyska stjórnarskipan hevur verið til hoyringar. 

Tey vísa til sjálva grundlógina.

Har stendur í grein 19, at fólkatingið skal samtykkja, um kongur ætlar at minka ríkið.  

Verður góðkent í Danmark

Lars Løkke Rasmussen sigur tó, at bæði stjórnin og fólkatingið fara at virða tað, at Føroyar vilja gerast sjálvstøðugt ríki.

Í uppskotinum um stjórnarskipan stendur, at Føroyar kunnu skipa seg sum sjálvstøðugt ríki. 

Tá skal fólkið taka endaliga avgerð á fólkaatkvøðu í minsta lagi eitt hálvt ár eftir og í mesta lagi eitt ár eftir, at løgtingið hevur tikið støðu sína. 

Forsætisráðharrin heldur tað vera løgið, at sambandið millum Føroyar og Danmark ikki er nevnt við einum orði í uppskotinum um stjórnarskipan.

Hann vildi fegin havt, at uppskotið skilligari vísir, at Føroyar eru partur av ríkisfelagsskapi saman við Danmark og Grønlandi.

Ein millión til fólkaatkvøðu

Landskassin sparir eina millión krónur í ár, tí fólkaatkvøða um stjórnarskipanina verður ikki á ár.

Sambært uppskotinum um eykajáttanarlóg, sum nú er í løgtinginum, verða ein millión krónur fluttar landskassanum aftur.

Pengarnir koma aftur næsta ár. Tí ætlanin er at hava fólkaatkvøðuna flaggdagin í 2018.

Men tá krevst, at løgtingið verður liðugt við uppskotið um stjórnarskipan í seinasta lagi 25.oktober.

 

Nýggjastu sendingar í ÚV
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333