Størri játtan til Glasir aftur fyri tingið

28.08.2017 - 07:47
AktueltPolitikkur
Størri játtan til Glasir aftur fyri tingið
Nú verður mett, at skúladepilin í Marknagili fer at kosta 635,5 milliónir kr.
 
 

Uppskotið um at hækka upphæddina í verklagslógini um skúladepilin í Marknagili 113,5 milliónir krónur er komið aftur í tingið.

Málið datt burtur, tá tingið fór í summarfrí.

87 milliónir krónur av teimum 113,5 milliónunum skulu nýtast at leggja út, til gerðarrætturin hevur tikið støðu til krøvini frá Landsverki móti TG Verki og tryggingarfelagnum AXA.

Hesar meirútreiðslur skulu gjaldast í ár og næsta ár.

Kravið frá TG Verki móti Landsverki er góðar 72 milliónir kr.

Hetta ger, at tað er ivasamt, um Landsverk fær viðhald í øllum sínum krøvum, so landið fær allar tær 87 milliónirnar aftur, stendur í viðmerkingunum til uppskotið.

50 mió. á eykajáttanarlóg

Í uppskotinum um eykajáttan, sum eisini er lagt fyri tingið, eru 50 milliónir krónur settar av til fíggjarligt útlegg, so skúlin í Marknagili verður gjørdur liðugur, hóast gerðarrættarmálið ikki er avgreitt. 

Landsverk sigur í einum uppriti til Mentamálaráðið, at tað er ikki sannlíkt, at gerðarrætturin kemur til nakra niðurstøðu, áðrenn skúlin verður tikin í nýtslu á sumri í 2018.

30 milliónir verða lagdar út frá september í ár, og 56,6 milliónir næsta ár.

Umframt tær 87 milliónirnar verður skotið upp at hækka verklagslógina 26,5 milliónir til undirvísingaramboð og flagtekju.

Talan er um undirvísingaramboð til teknisku útbúgvingarnar. Glasir heldur ikki, at amboðini í gamla Tekniska skúla í Havn kunnu nýtast í nýggja skúladeplinum.

Sostatt hækkar verklagslógin 113,5 milliónir krónur, og skúladepilin í Marknagildi verður nú mettur at kosta tilsamans 636,5 milliónir kr. 
 

Nýggjastu sendingar í ÚV
Mikudag 20. juni
Altjóða yogadagur 21. juni
82128
Týsdag 19. juni
Bróstageving er týdningarmikil
82129
Týsdag 19. juni
HM-tíðindi 19. juni 2018
82088
Mánadag 18. juni
Fremmand í Århus
82045
Nýggjastu sendingar í SV
Mánadag 18. juni
3-2
82062
Mánadag 18. juni
Blank 7
81786
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982