Føroyar ofta nevndar í donsku fíggjarlógini

bannari
01.09.2017 - 12:18
AktueltPengar
Føroyar ofta nevndar í donsku fíggjarlógini
Umframt heildarveitingina eru nógvar milliónir til Føroya í uppskotinum um fíggjarlóg fyri 2018
Gamla hospital í Havn frá 1828 er tað einasta av 25 smáum sjúkrahúsum, sum vórðu bygd í ríkinum fyrst í 19.øld, sum er eftir.
Mynd: Savnsmynd  
 
 

Føroyar eru eisini við í uppskotinum um donsku fíggjarlógina fyri 2018.

Umframt heildarveitingina, sum næsta ár verður 650 milliónir krónur, eru Føroyar nevndar í sambandi við umsóknina um atlimaskap í FAO, matvøru- og landbúnaðarstovninum hjá ST.

FAO krevur, at danska Uttanríkismálaráðið veitir trygd fyri føroyska limagjaldinum, sum er 15.000 krónur um árið.

Tað er væntandi, sigur Uttanríkismálaráðið, at aðrir altjóða felagsskapir koma við sama kravi.

Uttanríkismálaráðið biður tí um eina millión krónur, so tað kann veita trygd fyri altjóða limaskapi hjá Føroyum og Grønlandi.      

Gamla hospital og nýggj politistøð

Í ár játtaði fólkatingið tríggjar milliónir til at umvæla gamla hospital frá 1828 innan, og hálva triðju millión til at umvæla Føroyahúsið í Keypmannahavn innan.

Hesir pengarnir eru ikki við næsta ár.

Men 67 milliónir krónur til nýggju politistøðina í gamla BankNordik-bygninginum við Húsagøtu í Havn eru við. 

Politistøðin kostar statinum 109 og eina hálva millión.

Statskassin rindar 80 prosent av eftirlønini hjá tænastufólkum og tímalærarum í fólkaskúlanum í Føroyum. Tað er av eftirlønini, sum tey vunnu sær til 1.januar í 1988.

Tað verður eitt sindur meira enn 24 milliónir krónur næsta ár. 

Statskassin rindar eisini næstan 3 milliónir krónur til Føroya og Grønlands fyri at røkja krøvini og skyldurnar, sum ríkið hevur viðvíkjandi landgrunninum og havrættarsáttmálanum hjá ST. 

Og lønin hjá føroysku fólkatingsmonnunum er eisini í donsku fíggjarlógini. 

Lønin er 720.000 kr. um árið, umframt frían bústað. 

Nýggjastu sendingar í ÚV
Leygardag 16. desember
ALSO: Bjóðið vinmanninum við!
75612
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220