1,7 milliónir á muni millum bygd og bý

03.09.2017 - 16:22
AktueltPengar
1,7 milliónir á muni millum bygd og bý
Prísmunurin á húsum í Havn og uttanfyri Havn bara veksur og veksur. Tað stendur m.a. í heystfrágreiðingini hjá Búskaparráðnum
Tú fært tvey hús á bygd fyri prísin á einum húsi í høvuðsstaðnum
Mynd: Savnsmynd  
 
 

Búskaparráðið byggir pástandin á hagtølini, sum Betri banki hevur gjørt í áravís av sethúsamarknaðinum í Føroyum.

Sambært Búskaparáðnum vaks munurin millum húsaprísir í Tórshavn og aðrastaðni í Føroyum sera nógv í 2006 beint áðrenn stóru fíggjarkreppuna. Tá var miðalprísmunurin millum eini eini sethús í Havn og sethús uttanfyri Havnina ein millión. 
Tann prísmunurin hevur hildið sær seinastu tíggju árini fram til 2016. tá fer aftur kom á húsaprísirnar í Havn og prísmunurin fór upp á 1,5 mió. kr. 

Íbúðir ikki við

Í 1. ársfjórðingi 2017 er prísmunurin vaksin við 200.000kr. Munurin er nú farin upp á næstan 1,7 mió. kr. og tá eru íbúðarprísir ikki taldir við. Helst hevði munurin verið enn størri, um íbúðarprísir í Havn vóru tiknir við, tí sambært Búskaparáðnum er prísurin á eini íbúð vaksin meira enn sethúsaprísurin. 

Ein skjót leiting á heimasíðunum hjá stóru meklarunum, Betri heim og Skyn, vísir at 39 hús eru boðin til sølu fyri omanfyri 2,5 milliónir kr. Av teimum eru 5 at finna uttanfyri høvuðsstaðarøki.
 
 

Nýggjastu sendingar í ÚV
Nýggjastu sendingar í SV
Mikudag 18. oktober
Hetjur í hæddunum
Mánadag 16. oktober
3-2
Sunnudag 15. oktober
Andaktin
Sunnudag 15. oktober
Møti úr Frelsunarherinum
Hósdag 12. oktober
Kendir føroyingar: Kjølbro