Helgi byrjar við góðum úrsliti í World Cup

03.09.2017 - 14:18
ÍtrótturAnnar ítróttur
Helgi byrjar við góðum úrsliti í World Cup
Føroyski stórmeistarin Helgi Dam Ziska telvaði fyri løtu síðani javnt móti einum av heimsins bestu telvarum í stóru World Cup kappingini í Tbilisi
Mynd: Savnsmynd  
 
 

Fleiri av heimsins bestu telvarum eru við í stóru talvstevnuni í Georgia. Helgi er styrkismettur nummar 108 av teimum 128 telvarunum í kappingini. Í fyrsta umfari, sum er í dag og í morgin, telvar Helgi móti Teimour Radjabov úr Aserbadsjan, sum er nummar 22 í heiminum. Telvað verður soleiðis, at vinnarin fer víðari til annað umfar, meðan taparin fer úr kappingini. Heilt óvæntað eydnaðist Helga við svarta fólkinum at telva remis í fyrra sínamillum talvinum í dag.
 
Helgi er ein av fýra norðurlendskum telvarum, sum er við í Georgia. Hinir eru heimsmeistarin Magnus Carlsen úr Noregi, Aryan Tari, eisini úr Noregi, og Jóhann Hjartarson úr Íslandi. Eingin telvari úr Danmark, Svøríki ella Finnlandi hava kvalifiserað seg. Helgi er við, tí at hann í fjør vann kappingina millum telvarar úr smátjóðum í Evropa.
 
Í morgin hevur Helgi hvíta fólkið móti Teimour Radjabov.

Nýggjastu sendingar í ÚV
Nýggjastu sendingar í SV
Mikudag 22. november
Ámæli
74637
Týsdag 21. november
Savnsgull: Ungar hendur 3
74606
Týsdag 21. november
3-2
74577
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473