Russland er vorðið størsti keyparin hjá Føroyum

04.09.2017 - 11:53
AktueltPengar
Russland er vorðið størsti keyparin hjá Føroyum
Útflutningurin er broyttur eftir aldaskiftið. Nú eru aðrir stórir keyparar
Føroyar útfluttu fyri 4,2 mia. kr. í fyrra hálvári
 
 

Russland er nú størsti keyparin av fiski úr Føroyum.

Fyrra hálvár keypti Russland úr Føroyum fyri 1,1 milliard krónur. 

Helvtin er laksur og síðani koma makrelur  og sild.  

Tað eru 27 prosent av øllum útflutninginum hjá Føroyum. 

Útflutningurin til Russlands er 332 mió. kr. størri fyrra hálvárið í ár enn í fyrra hálvári í fjør. 

Boykotta ikki

Føroyar eru ikki millum londini vestanfyri, sum lýstu handilsbann móti Russlandi fyri politikkin hjá landinum í Ukreina. 

Eitt langt lop er niður til Bretlands og USA, hagar Føroyar útfluttu fyri 440 mió. kr. til hvørt landið, sigur Hagstovan.

Kina er nú á sætta plássi. Kina keypti fyri 260 mió. kr. úr Føroyum fyrra hálvárið.

Turkaland, sum vit júst hava fingið fríhandilssáttmála við, er ikki millum tey 25 londini, sum keypa mest úr Føroyum.

Stórar broytingar

Eftir aldaskiftið eru stórar broytingar hendar í føroyska útflutninginum. 

Nógv tann størsta broytingin er øgiligi vøksturin til Russlands, men eisini til USA og Kina. 

Útflutningurin til Týsklands og Niðurlond er eisini vaksin nógv. 

Útflutningurin til londini, sum lógu ovast um aldaskiftið, tey vóru Danmark, Bretland, Italia, Spania og Frakland, er minkaður nakað, men er kortini enn í tí ovasta endanum.

 

Nýggjastu sendingar í ÚV
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333