Íbúðir har sum skúlin er og eplaveltur á fløtuni

06.09.2017 - 07:52
AktueltSamfelag
Íbúðir har sum skúlin er og eplaveltur á fløtuni
Tvey uppskot um framtíðina hjá Hoydølum verða sýnd fram í Mentamálaráðnum. Tey einastu av 46 sum hava myndir
Ragnar Zachariassen hjá Zeta arkitektum og Rigmor Dam, landsstýriskvinna. Mynd Mentamálaráðið.
Mynd: Savnsmynd  
 
 

Fólk skulu búgva í Hoydølum, tá skúlin har eina ferð flytur í Marknagil. 

Zeta arkitektar hava saman við Bústøðum gjørt uppskot um at gera íbúðir og barnagarð í skúlanum, matstovu og kømur at leiga í Sanatoriinum og kreativan verkstað í Nýggja húsi.

Harafturat er ætlanin at brúka part av sjálvari fløtuni í Hoydølum til smáar garðar, sum fólka kunnu leiga til at  velta epli og annað grønmeti.

Uppskotið hjá Zeta og Bústøðum kann síggjast í Mentamálaráðnum við Hoyvíksvegin í Havn næstu tvær vikurnar.  

Tvey við myndum

LISA, Listafólkasambandið, hevur gjørt bókling um uppskotið hjá LISA um at gera listadepil í Hoydølum. Hesin bóklingurin er eisini á framsýningini í Mentamálaráðnum.

46 uppskot komu, tá Mentamálaráðið bað fólk um at siga sína hugsan um framtíðina hjá Hoydølum.

Uppskotini hjá Zeta og Bústøðum og hjá LISA eru øðrvísi enn hini 44, tí í teimum eru eisini myndir.

Mentamálaráðið hevur ikki avgjørt enn, hvussu bygningarnir hjá landinum í Hoydølum skulu brúkast, tá gamli Føroya Studentaskúli og HF-skeið flytur haðani.

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220