Løgmaður undrast á Bárð Nielsen

bannari
06.09.2017 - 13:52
AktueltPolitikkur
Løgmaður undrast á Bárð Nielsen
Aksel V. Johannesen sigur, at Sambandsflokkurin hevur broytt støðu í spurninginum, um viðmerkingar skulu vera í uppskotinum um stjórnarskipan
Løgmaður hevur svarað fyrispurningi frá Bárði Nielsen um stjórnarskipanina
 
 

Aksel V. Johannesen, løgmaður, sigur seg undrast á, at Sambandsflokkurin ikki longur stendur við álitið frá 2010 um stjórnarskipanina, um at strika viðmerkingarnar til uppskotið, sum Sambandsflokkurin eisini skrivaði undir.

- Hetta undrar meg stórliga, tí formaðurin í Sambandsflokkinum hevur als ikki givið hetta til kennar á teimum mongu fundunum, sum hava verið síðani á heysti í 2015, sigur løgmaður í svari til Bárð Nielsen, formann í Sambandsflokkinum, sum setti Akseli V. Johannesen ein grein 52 spurning um stjórnarskipanina.

Aksel V. Johannesen sigur, at politiska skipanin, eisini Sambandsflokkurin, hevur verið á einum máli um, at viðmerkingar skulu ikki vera við uppskotinum um Stjórnarskipan Føroya.

Serstøk lóg

Hetta kemst av, at uppskotið er so serstakt, at tað kann ikki javnmetast við eina vanliga løgtingslóg, tá ið ræður um uppseting og eftirkanning.

Síðani løgtingsvalið í 2015 hava allir floksformenn arbeitt víðari við stjórnarskipanini, og útgangsstøðið hevur verið uppskotið hjá grein 25 nevndini frá 2010.

Í arbeiðnum seinastu tvey árini hevur einki ynski hevur verið um at seta viðmerkingarnar inn aftur í uppskotið, heldur ikki frá Sambandsflokkinum, sigur løgmaður í svarinum til Bárð Nielsen.

Kemur í tingið fyrsta dagin

Aksel V. Johannesen sigur, at uppskotið um stjórnarskipan verður latið løgtinginum í næstum. Eftir ætlan fer uppskotið í eina grein 25 nevnd, har allir flokkar verða umboðaðir.

Hann sigur seg vóna, at uppskotið fær eina virðiliga og uppbyggjandi viðgerð, har spurningurin um viðmerkingarnar eisini verður viðgjørdur.

- Vónandi eydnast tað at finna eina breiða semju, sum eisini umfatar Sambandsflokkin, sigur løgmaður í svarinum til Bárð Nielsen. 

Nýggjastu sendingar í ÚV
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Fríggjadag 21. september
Morgunlestur fríggjadagur 21. september 2018
85415
Hósdag 20. september
Nón í Vestmanna
85591
Hósdag 20. september
Morgunlestur hósdagur 20. september 2018
85414
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409