Nógvar tómar sengur og fleiri í somu song um dagin

Nógvar tómar sengur og fleiri í somu song um dagin
Stórur munur er á innleggingarprosentinum í teimum trimum sjúkrahúsinum í Føroyum
Á Føðingardeildini á Landssjúkrahúsinum var leggingarprosentið 103,4 í fjør.
 
06.09.2017 - 12:53

Nógvar sengur standa tómar á Suðuroyar sjúkrahúsi og Klaksvíkar sjúkrahúsi.

Leggingarprosentið var knappliga hálvthundrað í Suðuroynni í fjør, og til 1.juni í ár var tað 55,7.

Í Klaksvík var leggingarprosentið 72,1 í fjør og 81,2 til 1.juni í ár.

Tølini eru í svarinum hjá Sirið Stenberg, landsstýriskvinnu, til Elsebeth Mercedis Gunnleygsdóttur, løgtingskvinnu. 

Við fylgjarum, sum eru innlagdir, eru tølini eitt vet størri.

Yvir 200 prosent á Barnadeildini

Á Landssjúkrahúsinum eru nógvar innleggingar. Har var prosentið 102,6 í fjør, 195,3 á Barnadeildini.

Fyrra hálvár í ár var innleggingarprosentið 92 á Landssjúkrahúsinum, men tó 218,1 á Barnadeildini.

Talið í Havn fer upp um 100 prosent, tí roknað er bara við heilum seingjardøgum. 

Verður ein sjúklingur innlagdur um morgunin og útskrivaður aftur á middegi, so telur hetta sum ein seingjardagur. 

Verður ein annar sjúklingur lagdur í somu song eftir døgurða, telur tað fyri ein seingjardag afturat. 

Altso tveir dagar fyri somu song sama dagin. 


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584