Felliknívur er springknívur og er tí vápn

08.09.2017 - 07:22
Aktuelt112
Felliknívur er springknívur og er tí vápn
Ætlaði at spara 100 kr., fekk 1000 kr. í sekt og misti harafturat knívin
Knívurin kann latast upp við einari hond, hóast hann er felliknívur.
Mynd: Savnsmynd  
 
 

Politiið hevur fingið ein knív afturat í vápnalógina.

Føroya rættur hevur givið einum manni 1.000 kr. í sekt fyri at keypa ein knív av slagnum Browning úr Kina.

Maðurin fekk tó ongantíð knívin, tí tollararnir tóku hann, tá hann kom til Føroya við postinum.

Maðurin segði í rættinum, at hann bílegði knívin úr Kina, tí har er hann 100 kr. bíligari enn at keypa hann í einum handli í Havn. 

Hann segði, at talan er ikki um springknív, tí knívsblaðið støkkur ikki upp sum á springknívi.

Kemur undir vápnalógina

Men í rættinum vísti ein løgreglumaður, hvussu knívurin virkar.

Rætturin sigur, at knívurin líkist so nógv einum springknívi, at hann kemur undir forboðið í vápnalógini.

Knívurin kann, eins og springknívur, latast upp við einari hond. 

Hann kemur tí undir somu áseting sum springknívur í vápnalógini, hóast hann er felliknívur, og hann er tí ólógligur.  

Maðurin, sum bílegði knívin úr Kina fyri at spara 100 kr., fær tí 1.000 kr. í sekt fyri at bróta vápnalógina, og hann missir knívin. 

Nýggjastu sendingar í ÚV
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Hósdag 19. apríl
Áðrenn Elvis - 190418
80009
Hósdag 19. apríl
Morgunlestur hósdagur 19. apríl 2018
79722
Nýggjastu sendingar í SV
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843
Sunnudag 15. apríl
Andaktin
79841