Felliknívur er springknívur og er tí vápn

Felliknívur er springknívur og er tí vápn
Ætlaði at spara 100 kr., fekk 1000 kr. í sekt og misti harafturat knívin
Knívurin kann latast upp við einari hond, hóast hann er felliknívur.
 
08.09.2017 - 07:22

Politiið hevur fingið ein knív afturat í vápnalógina.

Føroya rættur hevur givið einum manni 1.000 kr. í sekt fyri at keypa ein knív av slagnum Browning úr Kina.

Maðurin fekk tó ongantíð knívin, tí tollararnir tóku hann, tá hann kom til Føroya við postinum.

Maðurin segði í rættinum, at hann bílegði knívin úr Kina, tí har er hann 100 kr. bíligari enn at keypa hann í einum handli í Havn. 

Hann segði, at talan er ikki um springknív, tí knívsblaðið støkkur ikki upp sum á springknívi.

Kemur undir vápnalógina

Men í rættinum vísti ein løgreglumaður, hvussu knívurin virkar.

Rætturin sigur, at knívurin líkist so nógv einum springknívi, at hann kemur undir forboðið í vápnalógini.

Knívurin kann, eins og springknívur, latast upp við einari hond. 

Hann kemur tí undir somu áseting sum springknívur í vápnalógini, hóast hann er felliknívur, og hann er tí ólógligur.  

Maðurin, sum bílegði knívin úr Kina fyri at spara 100 kr., fær tí 1.000 kr. í sekt fyri at bróta vápnalógina, og hann missir knívin. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584