Føroyingar í vanda fyri at missa pengarnar frá SU

08.09.2017 - 07:32
AktueltPengar
Føroyingar í vanda fyri at missa pengarnar frá SU
Dansk Folkeparti, stuðulsflokkur hjá donsku stjórnini, krevur sjey ár í Danmark fyri at fáa SU
Føroyingar, sum til dømis fara í lærda háskúlan í Keypmannahavn, eru nú í vanda fyri missa SU.
 
 

Føroyingar skulu nú hava verið í Danmark í sjey av seinastu átta árum fyri at fáa pengar frá SU, Statens uddannelsestøtte. 

Kravið um tey sjey árini kemur frá Dansk Folkeparti, sum er stuðulsflokkur hjá stjórnini hjá Lars Løkke Rasmussen.

Kravið kemur í sambandi við samráðingarnar um fíggjarlóg fyri 2018.

Dansk Folkeparti ætlaði bara at lata kravið verða galdandi fyri fólk í ES.

Men ES reglur og mannarættindi gera, at tað ber ikki til.

Tí noyðist flokkurin eisini at lata kravið vera galdandi fyri danskar ríkisborgarar, sigur René Christensen, talsmaður í fíggjarmálum hjá Dansk Folkeparti við Danmark Radio.

Føroyingar eru danskir ríkisborgarar. Men sambært Dansk Folkeparti ikki í hesum førinum. Uppskotið er ikki galdandi fyri føroyingar.

Í januar í ár fingu 6.770 fólk úr øðrum ES londum enn Danmark pengar frá SU. 

Stjórnin er longu spurd  

Sjúrður Skaale, fólkatingsmaður, hevur hevur longu spurt donsku stjórnina um málið.

Hann sigur, at stjórnarflokkarnir hava tikið væl í móti uppskotinum hjá Dansk Folkeparti. Tað ørkymlar. 

Tí um hetta verður veruleiki, so fer tað at raka so at siga allar føroyingar, sum fara til Danmarkar at lesa, sigur Sjúrður Skaale.

Hann hevur eisini víst stjórnini á, hvussu trupulleikin kann loysast.

Á øðrum økjum er uppihald í Føroyum og Grønlandi javnsett við uppihald í Danmark. Tað er upplagt at gera tað sama í hesum førinum, sigur Sjúrður Skaale.
 

Nýggjastu sendingar í ÚV
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333