- Tíðindi, mentan og ítróttur
Norðukorea selur kol og jarn, hóast ST-tiltøk
Norðukorea selur kol og jarn, hóast ST-tiltøk
ST-serfrøðingar hava kannað, um tiltøkini verða hildin
10.09.2017 - 12:40
ST-serfrøðingar siga, at Norðurkorea hevur ólógliga útflutt kol, jarn og aðrir rávørur fyri meira enn 270 milliónir dollarar til eitt nú Kina, India, Malaysia og Sri Lanka seinasta hálva árið.
Hetta er brot á ST-tiltøkini, sum vórðu sett í gildi.
Tað stendur í eini frágreiðing, sum varð almannakunngjørd í gjár.
Serfrøðingarnir hava kannað, um tiltøkini verða hildin.
Teir siga eisini, at Norðurkorea heldur fram við sínum kjarnorkuvirksemi.
Átta fólk manna serfrøðingabólkin, sum eisini kannar, hvat Norðurkorea ger í Afrika og Miðeystri.
Tað, sum hevur serligan áhuga at fáa kannað, er, hvat Norðurkorea ger í Sýria.
Nýggjastu sendingar í ÚV
Nýggjastu sendingar í SV