Maður tikin fyri at skjóta eftir sethúsum í Hoyvík

Maður tikin fyri at skjóta eftir sethúsum í Hoyvík
Seinnapartin í gjár varð ein maður tikin fyri at skjóta eftir sethúsum. Hann er avhoyrdur, skuldsettur og latin leysur. Maðurin hevur vápnaprógv.
Politiið fekk fráboðan um skjóting kl.15.20 í gjár.
 
11.09.2017 - 07:11

Ein maður í um 40 ára aldur varð tikin seinnapartin í gjár fyri at skjóta millum hús í Hoyvík, upplýsir politiið.

Skotið varð gjøgnum ein rút í einum sethúsum, skotið rakti eisini veggin við vindeygað. Eingin varð tó raktur, hóast fólk var inni.

Maðurin var ávirkaður, tá hann varð tikin, so hann er ikki avhoyrdur fyrr enn fyrrapartin í dag og er nú latin leysur aftur.

Maðurin játtar at hava skotið. 

Maðurin hevur vápnaprógv, og hann eigur tríggjar byrsur. 

Allar tiknar

Politiið hevur tikið allar byrsurnar frá manninum og hevur mælt Umhvørvisstovuni til at taka aftur vápnaprógvið hjá manninum.

Maðurin er skuldsettur fyri brot á vápnalógina og politiviðtøkuna.

Hann er fyribils eisini skuldsettur fyri at bróta revsilógina, tí hann hevur við atburði sínum sett lív og heilsu hjá øðrum í vanda.

Møguliga hevur maðurin latið flerir skot av í gjár, men tá hann skeyt eftir einum húsum, bleiv politiið boðsent.

Hann var staddur uttanfyri, tá hann skeyt eftir húsunum.

Maðurin varð tikin uttan hóvasták, sigur politiið. Politiið kennir mannin væl. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858