Eiga at brúka somu orðingar sum løgmaður

bannari
12.09.2017 - 14:38
AktueltSamfelag
Eiga at brúka somu orðingar sum løgmaður
Grønland eigur at brúka føroysku stjórnarskipanina sum íblástur. Tað heldur Jens Wendel-Hansen, serfrøðingur í grundlógarrætti.
Mynd: Savnsmynd  
 
 

Í Føroyum hevur løgmaður hevur skrivað uppskot til stjórnarskipan, sum ikki skapar iva um grundlógarstøðuna hjá Føroyum.

Danska Løgmálaráðið skrivar í hoyringarsvari, at soleiðis sum uppskotið nú er orðað, verður grundlógin framvegis galdandi í Føroyum.

Arbeiða við tveimum uppskotum

Í Grønlandi arbeiðir stjórnarskipanarnevndin við tveimum uppskotum. Einari stjórnarskipan og einari grundlóg.

Stjórnarskipanin skal vera galdandi, meðan Grønland er í ríkisfelagsskapinum.

Grundlógin skal koma í gildi, tá Grønland verður sjálvstøðugt.

Og grønlendska stjórnarskipanin eigur at hava somu orðingar sum løgmaður hevur brúkt, heldur Jens Wendel-Hansen.

- Soleiðis ber til at fáa eina stjórnarskipan, sum virðir donsku grundlógina, sigur hann við KNR.

Taka orðingina til eftirtektar

Forkvinnan í grønlendsku stjórnarskipanarnevndini, Vivian Motzfeldt, sigur, at tey vilja fyrst og fremst hava eina grundlóg, sum skal koma í gildi, tá Grønland fer úr ríkisfelagskapinum.

Men hon sigur samstundis, at hon tekur føroyska formælið til stjórnarskipan til eftirtektar.

Nýggjastu sendingar í ÚV
Hósdag 18. januar
Ein dramatiskur verkstaður í 20 ár
76622
Hósdag 18. januar
Morgunlestur hósdagur 18. januar 2018
75361
Mikudag 17. januar
Bolero 14. des 2018
76598
Mikudag 17. januar
Bolero 7. des 2018
76597
Nýggjastu sendingar í SV
Mikudag 17. januar
25 minuttir: Vigdis Hjort
74880
Mánadag 15. januar
3-2
76515
Sunnudag 14. januar
Andakt við John Færø
76505
Sunnudag 14. januar
Guðstænasta úr Kvívíkar kirkju
76476
Fríggjadag 12. januar
Lyst 1
76430