Gift fólk eiga minni enn annanhvønn nýføðing

12.09.2017 - 07:01
AktueltHeilsa
Gift fólk eiga minni enn annanhvønn nýføðing
Børn, fødd uttan fyri hjúnaband, eru í meiriluta, siga tølini hjá landslæknanum. Tey vóru næstan 54 prosent í fjør
Nógv tey flestu børnini, 669 í fjør, verða fødd á Landssjúkrahúsinum.
Mynd: Savnsmynd  
 
 

Meira enn annaðhvørt barn í Føroyum verður føtt uttan fyri hjúnaband.

Í fjør vórðu 53,7 prosent fødd uttan fyri hjúnaband.

Men flestu mammurnar búgva tó saman við pápanum. 48 vóru tó einsamallar.

Nógv tøl um føðingar eru í ársfrágreiðingini hjá landslæknanum, sum kom fríggjadagin.

Millum annað eru kvinnurnar, sum eiga fyrstu ferð, næstan 27 ára gamlar í miðal.

Miðalaldurin hjá øllum kvinnum, sum áttu í fjør, var góð 30 ár.  

Ungar mammur

Í 2016 áttu kvinnur, sum vóru millum 16 og 19 ár, 16 børn. 

84 barnakonur søgdu seg roykja, tá tær vóru til fyrstu barnakonukanning. 

Vektin hjá børnum hjá mammum, sum roykja, var 172 gramm minni enn hjá teimum, sum ikki roykja.

Miðalvektin hjá børnunum, sum vórðu fødd í fjør, var 3942 gramm. 

Drongur vigaði mest  

Ein drongur vigaði mest av øllum nýføðingum í fjør. Hann vigaði 5520 gramm, tá hann varð føddur.

Í fjør vórðu fødd 688 børn í Føroyum. Tvey teirra vóru deyðfødd. 

Ein kvinna átti heima, ein í sjúkrabili og ein um borð á Smyrli í fjør.

117 kvinnur áttu við keisaraskurði í fjør.
 

Nýggjastu sendingar í ÚV
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220