Bíleggja fart um Kalsoyarfjørð

13.09.2017 - 10:09
AktueltSamfelag
Bíleggja fart um Kalsoyarfjørð
Bíleggingarskipanin á Gomlu rætt kemur eisini á Kalsoyarleiðini. Men prísurin fyri húsvognar og húsbilar lækkar ikki
Húsvognar kunnu vera langir og taka tí nógv pláss á dekkinum hjá strandfaraskipunum.
 
 

Bíleggingarskipanin, sum Strandfaraskip landsins ætla at seta í gildi fyri Teistan, tá hann siglir av Gomlu rætt, kemur eisini í gildi á Kalsoyarleiðini.

Tað sigur Henrik Old, landsstýrismaður, í svari til Jógvan Skorheim, løgtingsmann. 

Henrik Old lækkaði prísin fyri bussar við Smyrli fyri at menna ferðavinnuna í Suðuroynni.

Jógvan Skorheim spurdi, um ætlanin er at endurskoða prísin fyri húsvognar og húsbilar.

Slík ætlan er ikki, svarar Henrik Old.

Langir húsvognar

Hann sigur, at dømi eru um bilar við húsvogni, sum eru líka langir sum fýra vanligir persónbilar og viðhvørt eisini breiðari enn ein persónbilur. 

Ein persónbilur við húsvogni rindar 320 kr. á styttru farleiðunum hjá Strandferðsluni og 450 kr. á Suðuroyarleiðini, sama hvussu nógv pláss, hann tekur á dekkinum. 

Ein húsbilur rindar eftir stødd eins og vørubilar og lastbilar. 

Harafturat er umráðandi, at bilrøðirnar, sum pendlarar og oyggjabúgvar ofta noyðast at standa í, ikki gerast longri enn tær viðhvørt eru í dag. 

Eisini gera høgir húsvognar og húsbilar, at rampurnar inni á bildekkinum á Smyrli og Teistanum ikki sleppa niður, svarar Henrik Old. 

Nýggjastu sendingar í ÚV
Sunnudag 22. juli
Guðstænasta í Húsa kirkju
83533
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334