Juncker: Turkaland fær ikki ES-limaskap

13.09.2017 - 15:07
AktueltÚtheimurin
Juncker: Turkaland fær ikki ES-limaskap
Turkaland skal gevast at kalla ES-leiðarar fasistar og nazistar, sigur ES-nevndarformaðurin
 
 

Turkaland skal ikki gera sær vónir um at fáa limaskap í ES í bræði.

Tað segði Jean-Claude Juncker, formaður í ES-nevndini, tá hann helt sína árligu røðu um støðuna í ES-samveldinum í dag.

Turkaland bað um limaskap í ES í 1987, men samráðingarnar um limaskap byrjaðu ikki fyrr enn í 2005.

Evropeiskir leiðarar eru ójavnir á máli, um Turkaland skal gerast limur ella ikki.

Í røðu síni í dag gjørdi ES-nevndarformaðurin so greitt, at Turkaland skal ikki vænta at fáa limaskap í bræði.

Tíðindafólk fongslað

Amnesty International hevur fyrr funnist at Turkalandi og Erdogan, forseta, fyri at hava fongslað meira enn 150 tíðindafólk.

Síðani kvettroyndina í fjør, hava fleiri miðlar latið aftur, og túsundtals fjølmiðlafólk hava fingið sekkin.

Juncker segði, at hetta er týdningarmesta grundin til, at Turkaland ikki skal vænta sær gerast limur í ES.

- Latið okkara tíðindafólk leys, og gevist við at skíra ES-lond og tess leiðarar fasistar og nazistar, segði hann.

Ikki tørv á ES

Erdogan, forseti, hevur sagt, at Turkaland hevur ikki fyri neyðini at gerast limur í ES.

- Siga ES-londini at tey vilja ikki hava okkum sum lim, so er tað ein uggi hjá okkum. Vit hava aðrar ætlanir tøkar. Vit kunnu vera Evropeiska samveldið fyriuttan, segði turkiski forsetin í summar. 

Sí eisini

01.06.18
81439
31.05.18
81396
06.05.18
80599
Nýggjastu sendingar í ÚV
Mánadag 18. juni
Fremmand í Århus
82045
Mánadag 18. juni
HM tíðindi 18. juni 2018
82029
Mánadag 18. juni
Blomstrut skjúrta skal til
82026
Nýggjastu sendingar í SV
Mánadag 18. juni
3-2
82062
Mánadag 18. juni
Blank 7
81786
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982