Funnu heldur ikki Mars í gjár

14.09.2017 - 11:23
Aktuelt112
Funnu heldur ikki Mars í gjár
Leitaðu við skannara víða um í Skopunarfirði. Streymloysi verður um tvær vikur.
Mykines og Mars stoyttu saman norðan fyri Skopun hósnáttina 31.august. Ikki er greitt enn, hví vanlukkan hendi.
Mynd: Savnsmynd  
 
 

Leitingin eftir glastrevjabátinum Mars, sum sakk eftir samanstoyt við farmaskipið Mykines í Skopunarfirði hósnáttina 31.august, gav heldur einki úrslit í gjár.

Landsverk, sum hevur ein bát, leitaði við skannara víða um í Skopunarfirði, men fann ikki bátin. 

Streymurin var langt niðri í gjár, og veðrið at leita var gott.

Tveir menn vóru við Mars. 

Teir vóru báðir í stýrihúsinum, tá samanstoyturin varð. 

Annar slapp út, men hin er ikki komin afturíaftur.

Streymloysi um tvær vikur

Streymloysi verður í Skopunarfirði 28.september. Møguliga verður leitað tá, tað veldst millum annað um veðrið, sigur Sjóbjargingarstøðin.

1.september samtrolaðu Stelkur og Vesturtúgvan eftir Mars. Teir høvdu fatur í bátinum, tí olja kom upp, men teir fingu ikki bátin í trolið. 

Brimil leitaði eisini við myndatóli fyrstu dagarnar eftir vanlukkuna. 

Okkurt var at síggja, sum líktist einum báti, men tað hevur helst verið grót.

Mars var frambygdur glastrevjabátur, 27 føtur langur.

70 til 80 metra dýpi er, har sum báturin sakk.
 

Nýggjastu sendingar í ÚV
Leygardag 20. januar
Áðrenn Elvis - 180118
76705
Leygardag 20. januar
Áðrenn Elvis - 110118
76704
Leygardag 20. januar
Áðrenn Elvis - 040118
76703
Leygardag 20. januar
Nú er leygardagur (samandráttur) 200118
76699
Nýggjastu sendingar í SV
Fríggjadag 19. januar
Lyst 2
76671
Hósdag 18. januar
Archibald Black, við føroyskum teksti
76646
Hósdag 18. januar
Archibald Black
76635
Mikudag 17. januar
25 minuttir: Vigdis Hjort
74880
Mánadag 15. januar
3-2
76515