Pengarnir til at basa ridluskriðanum eru býttir

17.09.2017 - 14:26
AktueltHeilsa
Pengarnir til at basa ridluskriðanum eru býttir
Minni helvtin verður brukt til kanningar í Fugloynni. Tann størra til blóðroyndir av hagaseyði
Blóðroyndir skulu takast av seyði, sum gongur í haganum í Streymoynni og Eysturoynni.
Mynd: Savnsmynd  
 
 

Nú er avgjørt, hvussu tær 600.000 kr., sum eru í fíggjarlógini í ár til átøk at basa ridluskriða og at gera fleiri blóðroyndir og kanningar av aliseyði, skulu brúkast. 

250.000 kr. verða brúktar til at kanna ridluskriðan í Fugloynni.

Og 350.000 kr. verða brúktar til ílegukanningar, blóðroyndir, um mótstøðuførið móti ridluskriða í útbroti í Streymoynni, Eysturoynni og Fugloynni.

Tað siga Búnaðarstovan, Landsdjóralækin og Heilsufrøðiliga starvsstovan í felags fráboðan.

Tey siga, at Fiskimálaráðið hevur góðtikið hesa ætlan.

Í trimum oyggjum

Ridluskriði er deyðilig seyðasjúka, sum er funnin í tíggju høgum í Streymoynni, einum haga í Eysturoynni, í allari Fugloynni, á nøkrum trøðum í Havn og á einari trøð í Streymnesi. 

Raðfestingin av stuðlinum, 350.000 kr., til ílegukanningar í ár er tann, at hagar, har ridluskriði er, fáa rindað fyri tríggjar ferðir ásetta talið av brundseyði í haganum. Allir hagarnir í Fugloynni eru við her. 

Ein brundur fyri 33 áseyðir

Grannahagar til haga, har ridluskriði er staðfestur, fáa rindað fyri tvær ferðir ásetta talið av brundseyði í haganum, og tað sama fáa hagar í teimum markatalsbygdum, har ridluskriði er staðfestur. 

Harumframt fáa allir aðrir hagar í Streymoynni og Eysturoynni rindað fyri ásetta talið av brundseyði í haganum.

Búnaðarstovan ger ásetta talið av brundseyði í hvørjum haga upp eftir einum leisti, sum er almenna áseyðatalið í haganum býtt við 33. Tað er, um til dømis almenna áseyðatalið er 160, verða roknaðir fimm brundar.

Traðarseyður fær ongan stuðul til blóðroyndir.
 

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220