Ódn hóttir Karibia

18.09.2017 - 07:55
AktueltÚtheimurin
Ódn hóttir Karibia
Talan er um djúpa lágtrýstið, Maria, sum nú hevur ment seg til ódn, og sum fer at herja í Karibia teir næstu dagarnar.
 
 

Enn ein ódn hóttir fleiri oyggjar í Karibia.

Talan er um djúpa lágtrýstið, Maria, sum nú hevur ment seg til ódn, og sum fer at herja í Karibia teir næstu dagarnar, skrivar Ritzau.

Amerikanski veðurstovnurin upplýsir, at Maria í gjárkvøldið var einar 200 kilometrar í landnyðring úr Barbados, og at hon í morgin fer at raka oyggjarnar, Barbuda, Bretsku jomfrúoyggjarnar og Amerikansku jomfrúoyggjarnar.

Allar tær oyggjarnar fingu harða viðferð av ódnini, Irmu, sum herjaði fyrr í mánaðinum.

Veðurstovnurin sigur, at Maria verður til ódn miðskeiðis í vikuni, - í øllum førum ein ódn sum er á triðja av 5 stigum.

Tá fer ódnin at nærkast Puerto Rico, Dominikanska lýðveldinum og Haiti.

Vindferðin í eini ódn á triðja stigi er millum 50 og 58 metrar um sekundið, og verður tí mett sum vandamikil.
Ávaring um illveður er send út fyri oyggjarnar, Barbados, St. Lucia, St. Martin, Antigua og Barbuda.

Nýggjastu sendingar í ÚV
Týsdag 18. september
Morgunlestur týsdagur 18. september 2018
85412
Mánadag 17. september
Hann helt at alt bar til
85450
Mánadag 17. september
Norðurljóð #221 17.september 2018
85444
Mánadag 17. september
Meg Minnist - Jákup Mikal Mikkelsen (1:2)
85429
Nýggjastu sendingar í SV
Týsdag 18. september
25 minuttir
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409