Tora ikki at flúgva fyri rakettum úr Norðurkorea

18.09.2017 - 15:52
AktueltÚtheimurin
Tora ikki at flúgva fyri rakettum úr Norðurkorea
Eitt flogfelag í Hong Kong hevur útsett eina nýggja rutu millum Guam og Japan
Mynd: Savnsmynd  
 
 

Norðurkoreanska rakettskjótingin seinastu tíðina er atvoldin til, at eitt asiatiskt flogfelag hevur útsett ætlanina um at flúgva eina nýggja rutu millum kyrrahavsoynna Guam og Nagoyo í Japan.

Fyri einum góðum mánaði síðani kunngjørdi flogfelagið HK Express, sum hevur støð í Hong Kong, at rutan skuldi byrja 29. oktober.

Nú hevur flogfelagið gjørt av at útseta nýggju rutuna til næsta summar.

HK Express tók hesa avgerðina beint eftir seinastu norðurkoreansku royndarskjótingina, sum var fríggjadagin.

Rakettirnar røkka langt

Amerikanski kyrrahavsherurin sigur, at Norðurkorea skeyt eina rakett, sum røkkur langt. Hon fleyg 3.700 kilometrar í 19 minuttir, áðrenn hon datt niður í Kyrrahavið.

USA hevur eina herstøð á oynni Guam, sum er eitt serstakt amerikanskt øki. Hon liggur 3.400 kilometrar frá norðurkoreanska høvuðsstaðnum Pyongyang. 

Norðurkoreanski leiðarin, Kim Jong-un, hevur hótt við at skjóta rakettir eftir havleiðunum við Guam.

Ávirkar búskapin á Guam

At Guam er vorðin miðdepil í stríðnum millum Norðurkorea og USA hevur við sær, at búskaparliga støðan á oynni er nógv versnað.

Ferðavinnumyndugleikarnir hava upplýst, at í august avlýstu ferðaskrivstovur, skúlar og handilsfólk 7.426 ferðir til Guam.

Flestu avlýsingarnar vóru úr Japan. 

HK Express bjóðar teimum, sum hava bílagt ferð til Nagoyo, at fáa útreiðslurnar endurgoldnar.

Nýggjastu sendingar í ÚV
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220