Fiskivinnan í løgtinginum í dag

bannari
19.09.2017 - 07:38
AktueltPolitikkur
Fiskivinnan í løgtinginum í dag
Nýskipanin av fiskivinnuni kemur til fyrstu viðgerð í løgtinginum í dag.
 

Uppskotið varð lagt fram hósdagin, og ymsar broytingar eru gjørdar í mun til uppskotið, ið varð lagt fyri tingið í vár.

Millum annað verður freistin hjá útlendingum at fara úr føroysku fiskivinnuni longd úr fýra upp í seks og sjey ár. Íslendingar fáa eina freist á sjey ár, og aðrir útlendingar, tvs hollendingar, fáa eina freist á seks ár. Orsøkin til, at íslendingar fáa longri freist er Hoyvíkssáttmálin millum Føroyar og Ísland.

Antitrustmarkið, tvs hvussu nógv eitt reiðarí kann eiga av samlaðu fiskirættindunum er framvegis 17,5 prosent. Men markið fyri einstøku fiskasløgini, uppsjóvarfisk og botnfisk í Føroyum og á fjarleiðum, sum t.d Barentshavinum, er hækkað úr 20 uppí 35 prosent.

Ætlanin um at fara frá fiskidøgum til kvotur er útsett, og kemur í gildi í 2019, og ikki 2018, sum samgongan annars ætlaði.

Eftir at uppskotið hevur verið til fyrstu viðgerð í løgtinginum í dag fer tað í Vinnunevndina, og har kann tað vera í ein mánaða. Eftir ein mánaða, kann tingið atkvøða um at fáa uppskotið aftur úr nevndini.

Uppskotið, sum varð lagt fram í vár, lá í fimm vikur í nevndini, áðrenn tað kom í løgtingið aftur.

Men uppskotið datt burtur, tá Páll á Reynatúgvu, løgtingsformaður, púra óvæntað, sendi løgtingið í summarfrí 5.juli.

Lógaruppskot skulu hava tríggjar viðgerðir í løgtinginum, fyri at verða endaliga samtykt.

Tingfundurin í dag byrjar klokkan 10.
 

 
Nýggjastu sendingar í ÚV
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Leygardag 14. september
Morgunlesturin leygarmorgunin 14. september 2019
98622
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487