Jarðskjálvti í Meksiko kravt 149 mannalív

20.09.2017 - 06:22
AktueltÚtheimurin
Jarðskjálvti í Meksiko kravt 149 mannalív
Skjálvtin var sjálvan ársdagin fyri jarðskjálvtan í 1985, sum kravdi í minsta lagi 10.000 mannalív
Mynd: © ABC News  
 
 

Í minsta lagi 149 fólk eru deyð av jarðskjálvtanum, sum rakti Meksiko í gjárkvøldið, okkara tíð.

Teirra millum eru 20 børn, sum vóru í skúla, tá bygningurin rapaði.

Tað upplýsa myndugleikarnir fyri Reuters.

Jarðskjálvtin varð máldur til 7,1.

Myndugleikarnir í Meksiko býi siga, at har hava í minsta lagi 49 fólk hava latið lív.

Nógv bygningar eru rapaðir, ella hava fingið stóran skaða, í stórbýnum.

Í minsta lagi 55 fólk eru deyð í landspartinum Morelos sunnan fyri Meksiko bý.

Nógv fólk hava eisini latið lív í landspørtunum Meksiko og Puebla, sum eru nærindis økinum, har jarðskjálvtamiðdepilin var.

Fyri minni enn 14 døgum síðani var ein harður jarðskjálvti í Meksiko. Hann kravdi 98 mannalív. 

Í gjár vóru liðin 32 ár síðani stóra jarðskjálvtan í Meksiko 19. september í 1985, sum kravdi í minsta lagi 10.000 mannalív.

Jarðskjálvtin í gjárkvøldið var beint, sum skipað varð fyri einari landsumfatandi venjing, hvussu fólk skulu bera seg at, tá jarðskjálvti er. 

Nýggjastu sendingar í ÚV
Nýggjastu sendingar í SV
Mánadag 23. oktober
3-2
Sunnudag 22. oktober
Andaktin
Sunnudag 22. oktober
Norðurevropiski meistaraskapurin