Reglurnar um útjavningarstuðul skulu endurskoðast

21.09.2017 - 17:23
AktueltPolitikkur
Reglurnar um útjavningarstuðul skulu endurskoðast
Stuðulin er ein millión krónur, men Samferðslumálaráðið hevur biðið um eina hálva millión í eykajáttan
Henrik Old, landsstýrismaður, hevur svarað Jónleifi Johannesen, tingmanni, um útjavningarstuðul
Mynd: Savnsmynd  
 
 

Fyri at sleppa undan, at tey, sum hava adressu á útoyggj, men í roynd og veru búgva aðrastaðni, fáa part av útjavningarstuðlinum, verður neyðugt at endurskoða reglugerðina, soleiðis at kommunur gera eitt yvirlit yvir, hvør veruliga býr í oynni.

Á tann hátt kann játtanin til útjavningarstuðul røkka longur.

Tað sigur Henrik Old, landsstýrismaður, í svari til Jónleif Johannesen í Javnaðarflokkinum, sum hevur spurt um málið.

Í løtuni er útjavningarstuðulin ein millión krónur, men Samferðslumálaráðið hevur biðið um hálva millión í eykajáttan í ár.

Útjavningarstuðulin verður brúktur til at javnviga kostnaðin, sum tað kostar meira at flyta búnaðarvørur og annan farm hjá teimum, sum búgva fast á útoyggj.

Røkkur stutt

Stuðulin røkkur mangan bara til eitt hálvt ár, sigur Henrik Old.

Strandferðslan, Posta og Atlantsflog umsita stuðulin.

Fyri at stuðulin skal røkka sum longst, sigla strandfaraskipini so fáar eykatúrar sum gjørligt.

Eitt nú flytur Ritan nærum allan farm til Svínoyar og Fugloyar, sum ikki vigar meira enn 800 kilo fyri hvørja vørusending ella kolli. Og Sildberin tekur allan farm til Skúvoyar, sum ikki vigar meira enn 800 kilo fyri hvørt kolli. 

Sama er galdandi til Mykines, har Strandferðslan flytur allan farmin summarhálvuna.

Tí er ikki neyðugt við eyka farmatúrum til hesar oyggjar.

Hestur, Nólsoy og Kalsoy hava bilferjusamband, og tí eru eingir eykatúrar til hesar oyggjar við t.d. rúgvismiklum byggitilfari, sigur Henrik Old í svarinum til Jónleif Johannesen. 

Nýggjastu sendingar í ÚV
Sunnudag 10. desember
Bolero
75319
Sunnudag 10. desember
Guðstænasta úr Miðvágs kirkju
75317
Sunnudag 10. desember
Harmonikuløtan
75313
Sunnudag 10. desember
Chrous
75312
Sunnudag 10. desember
Úr Svínoy til Havnar
75260
Nýggjastu sendingar í SV
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220
Mikudag 6. desember
25 minuttir: Christina Rosendahl
74870
Mikudag 6. desember
Savnsgull: Slóðin 1:3
75155