- Tíðindi, mentan og ítróttur
Biðja um eykajáttan til útjavningarstuðul
Biðja um eykajáttan til útjavningarstuðul
Biðið er um hálva millión í eykajáttan til útjavningarstuðul. Tað er Samferðslumálaráðið, ið biður løgtingið um eykajáttanina.
23.09.2017 - 09:25
Tað sæst í svari til fyrispurning frá Jónleifi Johannesen, tingmanni, frá Henrikki Old, landstýrismanni.
Fyri at farmur kann koma undir reglugerðina, skulu sendarin og/ella móttakarin hava fastan bústað í útjaðaraøkinum sambært skrá hjá Landsfólkayvirlitinum, verður sagt í svarinum.
Men neyðugt er at endurskoða reglugerðina, heldur landsstýrismaðurin.
Fyri at umgangast, at tey, sum hava adressu á útoyggj, men í roynd og veru búgva aðrastaðni, fáa part av útjavningarstuðlinum, verður neyðugt at endurskoða reglugerðina til dømis soleiðis, at kommunurnar sjálvar gera eitt yvirlit yvir, hvør veruliga er fastbúgvandi á ávísu oynni. Á tann hátt kann játtanin eisini røkka longur, sigur landsstýrismaðurin í svarinum.
Nýggjastu sendingar í ÚV
Nýggjastu sendingar í SV