- Tíðindi, mentan og ítróttur
Taka til rýmingar á Bali
Taka til rýmingar á Bali
Roknað verður við, at gosfjallið Mount Agung fer at goysa hvørja løtu
24.09.2017 - 16:07
Fyri fyrstu ferð í meir enn 50 ár er líkt til, at gosfjallið Mount Aung á Bali fer at goysa.
Eftir at myndugleikarnir ávaraðu fólk á indonesisku oynni Bali um møguliga gosið, eru eini 34.000 fólk flutt burtur minst níggju kilometrar frá gosfjallinum.
Fríggjdagin blivu 10.000 fólk burturflutt, og í gjár fingu 24.000 fólk boð um at fara frá húsum.
Enn er møguligt at flúgva til og av Bali, men á altjóða flogvøllinum í oynni hava tey fyrireikað seg til at stongja flogvøllin.
Seinast tá gosfjallið goysti var í 1963, og tá lótu fleiri enn 1000 fólk lív.
Nýggjastu sendingar í ÚV
Nýggjastu sendingar í SV